Kiwanis Club of San Nicolas a reconoce e maestro & maestra nan di San Nicolas


Diahuebs 25 di juni ultimo, Kiwanis Club of San Nicolas a sorpresa docente nan di varios scol na San Nicolas cu cookies como un acto di reconocimento y aprecio pa tur locual nos docente nan ta hasi tur dia pa impacta positivamente bida di nos muchanan.

“No matter what, keep changing kids’ lives. Thank You for continuing to teach with all of your heart. We appreciate all that you do. From Kiwanis Club of San Nicolas”. Ta trata aki di mas cu 200 docente di e siguiente scol nan: Colegio Sta Teresita, Graf Von Zinzendorf, St Paulus, Commandeur Pieter Boer, Rayo di Solo, Fontein, Colegio Hilario Angela, Colegio Santa Filomena, Augustinus College, Abraham de Veer, Filomena College, John Wesley College, Ibero American High School & Colegio San Nicolas.

Ta importante pa elogia esnan cu tur dia, continuamente & den tur circumstancia, ta hasi un impacto positivo den bida di nos muchanan.

Nos di Kiwanis Club of San Nicolas ta kere den “role models” pa nos hoben nan y sigur docente nan ta.