basketball aruba

KESHI FRICO TA APORTA CU UNIFORM PA SEIS TEAM DI ESTRELLA YOUTHBASKETBALL


E luna aki, keshi FRICO y su distribuidor Compra Ltd, a bautisa e uniformnan oficial di Estrella Youthbasketball. Esaki como parti di e responsabilidad corporativo di e organisacion cu semper a sa di duna bek na comunidad. En total ta trata di 6 ekipo di e division nan Pee Wee, Mini incluso damas, Pasarella y Cadet cu awor ta disfruta di nan uniform completamente nobo pa asina nan sigui practica nan deporte preferi. S.V. Estrella a ser funda na 1948 cu e meta pa promove deporte bou di e hoben. Na e clubhuis di S.V. Estrella ta wordo practica basketball, ping-pong y taekwondo den un forma continuo y tambe a duna inicio na les di musica. Basketball infantil y hubenil a conoce un cresemento enorme e ultimo añanan na Estrella. Den esaki Estrella Youthbasketball awor cu sosten di Compra Ltd. por sigui dedica na formacion di hobennan den e comunidad Arubano. E ayudo financiero di Compra Ltd. y keshi FRICO lo sostene e desaroyo aki cu compra di no solamente uniform pa 6 team pero tambe material di entrenamento pa nos hobennan. Durante ceremonia di bautiso, Director di Compra N.V. Hubert Dirks y Brand Manager di Frico Cheryl Coronel tabata presente pa desea e hobenan hopi success den nan futuro y celebra hunto cu mayornan y coachnan. Compra N.V. den e forma aki ta duna empuhe un biaha mas na deporte y muy especial na formacion di nos hoben nan na Aruba. Por mira mas potret di e bautiso riba e facebook page di Compra Ltd.