Durante e caredanan di Karting, den categoría Senior Two
Strokes, na Estados Unidos e conocido Jonathan Arends ta haciendo un papel impagable hibando Aruba
su nomber den e top celebrities di Karting rond di mundo.
ROK CUP USA ta un serie di caredanan Karting, cu a wordo introduci na Estados Unidos na 2013. Aunke
e serie aki ta uno relativamente nobo na Estados Unidos, rond mundo e ta un serie cu ya ta draai pa 11
ana y na 32 pais rond di mundo.
ROK CUP ta conta cu autorización di FIA y ta reconoci pa Federation Internacionale de Karting, haciendo
uso di motornan Vortex – ROK y cu ta promove partnership cu PCUP International Finals na South Garda
Italia.
ROK CUP USA ta hopi entusiasma cu e caredanan di 2015 cu a wordo lansa na Maart na Orlando Kart
Center. E serie lo continua cu un stop na Miami, Jacksonville y Ocala.
September 13 y 14 lo termina e horada na Orlando Kart Center pa host ROK CUP USA Championship na
unda e ROK CUP champions lo keda homenagea, basa riba e puntonan acumula durante e 5 caredanan
cu ta formula asina hunto e five – race series.
E prome race a ser corri na Ocala Grand Prix , durante e weekend di 18 y 19 di April y aki e Arubiano,
Jonathan Arends a saca e mihor tempo y tan a di 5 lugar caba den e point series aki.
E di dos careda lo ser teni na Homestead y esaki lo tan a final di Mei, esta e dianan 23 y 24 di Mei, 2015.
Mientras tur wowonan lo ta dirigi riba e di cuater careda dianan 27 y 28 di Juni 2015 na e fantástico
pista di Palm Beach.
E ultimo careda pa e series lo ser corri na Jacksonville e dianan 15 y 16 di Augustus, 2015.
