Jennifer Lopez ta lanza un video nobo, Medicine ft French Montana


“Jenny from the Block” a bira “Jenny From the Wild Wild West”

Den un music video nobo pa su cantica “Medicine” cu French Montana, Jennifer Lopez (49) ta revela su mes den “yeehaw couture”, na unda e ta sigui un trend di otro celebrities manera Solange Knowles y Post Malone.

E cantica ta cuminza na unda J.Lo ta sinta riba un merry-go-round cu un jumpsuit blanco cu ta decora cu rhinestone, payet y pluma. E ta caba su outfit cu handshoen blanco, un sombre di cowboy y boots blanco cu hilchi.

Pero e escena cu a gara atencion di tur hende ta mas o menos mey mey di e cantica, na unda e camera ta corta na un cueba di ijs yen di spiel, na unda J.Lo ta para cu su lomba pa e camera. Cu su sombre completo cu rhinestones den un leotard cu ta traha den un manera cu ta mustra e assets famoso di Jennifer Lopez.

Wak e video pa bo mes.