James Alex van der Linden nomina pa tres scholarship na Merca


E hoben talentoso di 19 aña di edad esta, James Alex van der Linden mihor conoci como Alex a

ricibi tres carta di nominacion di 3 diferente academia prominente y prestigioso den e area di

aviacion militar, cual no ta comun pa un studiante ya cu normalmente ta un carta so cada

studiante ta ricibi. Airforce Academy, Coast Guard Academy y Merchant Marine ta e

academianan di cual dos academia esta, Airforce Academy y Merchant Marine ya a accepta e

hoben como studiante oficial.

E academianan aki ta situa na diferente estado na Merca y ta sumamente prestigioso y costoso.

Airforce Academy situa na Colorado ta accepta mil studiante pa aña for the 6 mil applicacion y

ta provee estudio na balor di 400 mil dollar. E studiante lo sirbi pa 5 aña den aviacion militar y

por bira pilot pa e academia pa 10 aña.

Coast Guard Academy situa na Connecticut ta accepta 250 studiante for di 1500 applicacion pa

aña y ta provee estudio na balor di 300 mil dollar. E studiante lo sirbi pa 5 aña den aviacion

military y tambe por bira pilot pa e academia.

Merchante Marine situa na New York ta accepta 250 studiante for di 1200 applicacion pa aña y

ta prove estudio na balor di 300 mil dollar. E studiante lo sirbi pa 5 aña den aviacion militar,

despues e studiante por bira capitan di barco pa e academia.

Alex tin ‘dual citizenship’ Hulandes y Mericano. Alex a logra bin na remarce dor di varios

rekisito estricto entre otro; average di punto halto, bon prestacion den deporte, trabou den

comunidad y cuidadania Mericano.

E odisea pa logra tur e metanan aki no tawata facil. Alex a logra ricibi un carta di nominacion

dirigi na su persona for di State Government di e estado den cual actualmente e ta biba. Tambe

Alex mester a haci diferente entrevista y pasa varios examen medico.

Ultimamente Alex a sali campion den ‘50 yard free style’ y ‘100 yard free style’ den

landamento di North Carolina High School. Por lesa e articulo den prensa Mericano via e

siguiente link; http://m.journalnow.com/sports/prepzone/swimming/west-davidson-s-van-der-

linden-wins-state-swim-titles/article_2d5ccbb1-7bbc-556f-b345-3c59989e965e.html?mode=jqm.

Tambe por mira Alex durante competencia di landamento via e siguiente link:

http://www.ncsasports.org/mens-swimming-recruiting/nc/lexington/west-davidson-high-

school/james-van-der-linden.

Masha pabien Alex, Aruba completo ta orguyoso di bo logronan y exito.