International School of Aruba tin su Open Dag

Anualmente International School of Aruba tin su Open Dag. E aña aki e lo tuma lugar riba Diasabra, 9 di April 2016. Nos ta kier extende un invitacion na henter comunidad pa bin experiencia “first hand” tur lo cual ISA tin pa ofrece. Riba e dia aki invitadonan, famianan y studiantenan prospecto por pasa e dia bishitando nos establecimiento, participando den actividadnan deportivo y blader door di nos bukinan nobo na nos book fair- esaki ta dijs pa menciona un par di nos actividadnan programa. ISA ta ofrece un curiculum estandard pa studiantenan di kinder te cu grade 12 culminando e trayectoria cu un High School Diploma di Merca. ISA ta acredita pa AdvancEd di Merca. Studiantenan di educacion secundario tin e opcion pa tuma cursonan avanza den Ingles, Spaño, Arte, Historia y Matematica. Un conclusion exitoso di e cursonan ta duna studiantenan e oportunidad pa haya creditonan Universitario acepta rond mundo. Tur studiante den eerste te zesde klas tin e oportunidad pa participa den lesnan di Arte,L.O y muziek; mientras cu studiantenan den 7-12 klas tambe tin Arte, L.O, muziek mas e oportunidad pa tuma lesnan di Drama, Maker Space y otro actividadnan educativo elegi dor di e alumnonan mes. Bin na e Open Dag pa scucha tur e cosnan emocionante den cual e alumnonan di ISA ta participa. E programa Hulandes di ISA (Nederlandse Onderwijs in het Buitenland accredited) ta sigui e programa NOB aproba pa e curiculum Hulandes. Ta monitoria e logro academico cu e Cito Toets y prepara studiantenan pa e landsexamen di VWO, HAVO y MAVO. Lesnan na Hulandes ta wordo ofrece pa e nativonan di e idioma y esnan cu ta siñe como di dos lengua for di eerste klas. Bin sera conoci cu nos departamento di Hulandes pa haya sa kiko nos alumnonan ta siña. ISA tambe ta ofrece un programa di Montessori pa muchanan di edad di 18 luna (Toddler House program) te cu e edad di onderbouw. E equipo califica y entrena di Montessori cu nan ayudantenan lo tey pa comparti tur informacion y contesta cualke pregunta.