InselAir ta cuminsa opera non-stop di Aruba pa Maracaibo dos biaha pa siman


InselAir lo cuminsa bula dos buelo pa siman pa Maracaibo for di su hub na Aruba, entrante prome di April 2015. Ya caba InselAir ta opera riba e destinacion aki for di Curacao, pero pa cumpli cu e pedido di opera di Maracaibo direct pa y for di Aruba InselAir Aruba ta cuminsa cu e ruta directo aki. Maracaibo ta InselAir Aruba su di tres destinacion na Venezuela y ya caba su di nuebe ruta cu un buelo directo for di Aruba for di tempo cu InselAir Aruba a cuminsa bula na December di 2013. InselAir ta e compania di aviacion di mas grandi cu ta opera for di Aruba, y hunto cu InselAir International cu ta opera for di Curacao, e ta sirbi 21 destinacion. Por cumpra ticketnan na ticket offices di InselAir, via InselAir su Oficina di Contacto pa Cliente y na Travel Agent preferi.

Prijs y orario di buelo
InselAir ta ofrece e prijs di AWG 324 di Aruba pa Maracaibo, di Maracaibo pa Aruba e prijs ta USD 180. Tur prijs ta pa ida y buelta y ta inclui tur tax. Lo opera e ruta aki cu equipo di avion MD80 cual ta carga 152 pasahero. Aki ta sigi e orario:

Flight# Salida Aruba Jegada Maracaibo Dia
8l720 8:40 PM 9 PM Diaranson & Diasabra
Flight# Salida Maracaibo Jegada Aruba Dia
8l 721 7 AM 8:20 AM Diahuebs & Diadomingo

Tocante InselAir
For di aña 2006 InselAir a crese bira un di e miho companianan aereo cu ta suministra conectividad internacionalmente flexibel pa North & South America y tambe pa e region di Caribe. Pa motibo di su buelonan frecuente y un duracion di buelo masha cortico entre InselAir su base di cas na Curacao y su hub na Aruba, combina cu su net extenso di 21 destinacion, InselAir ta duna pasahero un conectividad tremendo cu e region panamericano. InselAir su partnernan di interline (cu ta inclui entre otro Air Berlin, KLM/Air France, Winair, Avianca y GOL) y code shares (KLM/Air France) ta duna mas balor na su conectividad, cu ta laga pasahero conecta rond mundo. InselAir ta e compania di aviacion di mas grandi cu tin su base den Caribe y e ta spera di transporta 1.4 millon pasahero e aña aki (2015), e ta emplea alrededor di 650 hende, e ta ofrece mas o menos 52 buelo diariamente pa 21 destinacion y e tin planea pa crese pa 27 destinacion na 2015. InselAir su flota ta consisti di un total di 18 avion (7 McDonnell Douglas, 3 Fokker 70, 6 Fokker 50 y 2 Embraer Bandeirante) y na 2015 e lo añadi mas avion na su flota. Pasahero di InselAir ta disfruta di cuminda y bebida gratis na bordo, un maleta gratis y hopi leg space. Pasahero di Comfort Class entre otro ta disfruta di pre boarding, acseso na e salanan di business na aeropuerto, extra leg space, permiso pa extra bag, y cuminda y bebida di bon calidad na bordo. Destinacionnan na South America ta inclui: Manaus, Georgetown, Paramaribo, Caracas, Barquisimeto, Las Piedras, Maracaibo, Valencia, Barranquilla, Medellin, destinacion den Caribe ta inclui Aruba, Boneiro, Curacao, St. Maarten, Port-of-Spain, Santo Domingo, La Romana, Port-au-Prince, Kingston y destinacionnan na Merca ta inclui Miami y Charlotte.


Leave a Comment