IBiSA tambe ta check pa factornan di riesgo relaciona cu riñon


En conexion cu e ‘Dia Mundial di Riñon’ cu ta riba 12 di maart 2015 y e ‘Dia Mundial di

Awa’ cu ta riba 22 di maart 2015, Instituto Biba Saludabel y Activo – IBiSA, ta uni su mes pa

conmemora e dianan aki den e forma di duna su aporte na poblacion di Aruba cu informacion

di e beneficionan di bebe suficiente awa. Esaki consecuentemente ta mantene e salud di nos

riñonnan.

E aportacion ta cu e Bus di Salud, cu lo duna su servicio riba e siguiente dianan:

Dialuna dia 9 di maart 2015: Bus di Salud ta staciona banda di Centro Medico na

San Nicolas, for di 8’or di mainta pa 3’or di atardi.

Diamars dia 10 di maart 2015: Bus di Salud ta staciona den vecindario di Wit Gele Kruis

na Santa Cruz, for di 8’or di mainta pa 3’or di atardi.

Diaranson dia 11 di maart 2015: Bus di Salud ta staciona na Piedra Plat den vecindario di

Bright Bakery, for di 8’or di mainta pa 3’or di atardi.

Diabierna dia 13 di maart 2015: Bus di Salud ta staciona na Pricemart, for di 8’or di mainta

pa 3’or di atardi.

– Riba e Bus di Salud, nos ta midi bo peso y haltura. Asina por saca e BMI. Si bo BMI ta

riba 25, ta nifica cu e peso ta halto. Pero si e BMI ta 30 bay ariba, ya caba nos ta papia di

obesidad, cual ta sobrepeso severo y ta un risico pa haya malesanan cronico, entre otro

diabetes (sucu) y presion halto. Na nan turno, e ta bira un risico pa haya problema cu bo

riñon.

– Riba e Bus di Salud tambe nos ta tuma presion di bo sanger, controla bo sucu y

colesterol. Pa un persona por haci e testnan aki, no ta necesario pa bin na yuna.

Riba e tres dianan aki, nos enfoke principal ta bay ta uzo di awa y e salud di riñon. IBiSA ta

traha y conscientisa comunidad di Aruba riba e cuido di salud en general, pa cual motibo ta duna

tambe e atencion na e importancia di bebe 8 glas di awa y e cuido y salud di e riñonnan.

IBiSA ta invita pueblo di Aruba en general, pero en especial area di San Nicolas, Piedra Plat y

Dakota y nan vecindario pa acudi na un di e lugarnan unda e Bus di Salud ta staciona otro siman


Leave a Comment