Oranjestad – E isla su torneo di golf mas popular, organisa pa Arion Wine Company den colaboracion cu Wente Vineyards y Papiamento Restaurant, a tuma luga na Tierra Del Sol Golf Course den fin di siman ultimo.
Na bispo di e torneo, e productor di binja di e di cuater generacion di California su binjero mas bieu y continuamente opera, Eric Wente, a yama e sponsornan y hungadornan bon bini na e hardin tropical di Papiamento Restaurant cu un seleccion di su mesun binjanan excelente di Wente, gradiciendo nan personalmente pa nan participacion den e torneo di golf caritativo e siguiente dia.
E fiesta a conta cu catering superbo di platonan di cuminda di lama, incluyendo marinated octopus y razor clams, pate importa di Hulanda y keshi Frances, escargots y salada creativo di Papiamento Restaurant, di cual su donjo, chef y propietario Eduardo Ellis, a companja Govert van der Hout di Arion Wine Company pa ricibi y cuminda esnan presente.
Papiamento restaurant su cuminda a wordo combina perfectamente cu algun di e miho seleccionnan di binja di Wente Vineyards manera Wente Vineyards Louis Mel Sauvignon Blanc, 2013, Wente Vineyards Morning Fog Chardonnay, 2014, Wente Vineyards Riva Ranch, Pinot Noir, 2012, Wente Vineyards, Riverbank Riesling, 2013 y Wente Vineyards Charles Wetmore, Cabernet Sauvignon, 2013, entre nan.
Despues di ta organisando e torneo pa e ultimo 11 anjanan, for di e anja cu e compania a wordo funda, van der Hout a gradici e sponsornan di e torneo y a introduci e representante di e Fundacion di Autismo, incluyendo un patologo di papia y un terapista di papia, kende a duna un presentacion cortico tocante nan trabou riba e isla.
Den transcurso di e ultimo 11 anjanan, Wente Vineyards – Papiamento Restaurant Golf Tournament a recauda un suma grandi di placa dedica pa proyectonan comunitario, danki na e generosidad di su tres partnernan principal y e sponsornan cu ta sostene nan: Aruba bank, Aruba Aloë, AIB Bank, Tundruk N.V., Aruba Happy Rentals, Lexus, Nagico, Plus Accountants, AWA, Robertson Fire, Albo, Setar, Fofoti Tours and Transfer, Complete Logistics, Century Group, ASD, Oduber & Kan, y e Aruba Airport Authority.
E recipiente di e fondonan pa e anja aki a wordo escohi conhuntamente cu famia Ellis, e donjonan di Papiamento restaurant, specialmente Lenie Ellis, e mama di chef y propietario Edward Ellis.
Riba nos portretnan por mira: Eric Wente, Govert van der Hout y e ekipo di Arion Wine Company, profesional di golf James Kiley, y Director di Golf Oliver Riding, kende a splica e reglanan pa e torneo e siguiente dia!
