Orange Am (4)

Fiebre di Futbol ta sigui domina


E bar y lounge nobo na Amazonia a entretene amigonan y fanaticonan di futbol durante e weganan cu a tuma luga recientemente, unda varios pais a wordo elimina for di e weganan di FIFA Copa Mundial 2014. E bar a prepara pa e weganan historico di Francia contra Alemania, y Brazil contra Colombia riba diabierna; Argentina contra Belgica y Hulanda contra Costa Rica riba diasabra. Na momento cu Sushi Salsa a muda pa e parti zuid di Amazonia, e lounge espacioso a wordo ekipa cu television di pantaya grandi, y esaki lo keda un luga activo y amabel pa deporte y entretenimento, un luga pa bishita prome y despues di e cena, unda bishitantenan por relaha den un area comodo, bebiendo cocktails of purbando e surtido di pasapalo di bar. E pasapalonan delicioso obtenibel na e bar ta inclui BBQ Loin Ribs, Brazilian Sausage, Grouper Fingers, Mozzarella Sticks, pasapalo hasa popular di Hulanda y Coconut Shrimp, ademas di Tuna y Salmon Sushi y Sashimi, Seaweed Salad, Crab salad, y rolls exkisito di Sushi Salsa, manera Crispy Eel, Tiger, Rainbow y Amazonia. Amazonia recientemente a haci mehoracionnan y cambionan considerabel pa prepara pa e FIFA Copa Mundial 2014, cual ta yegando su fin, despues di a bai di 16 ekipo pa solamente cuater den e semi-final, y cu lo bataya contra otro pa yega e final, cual lo wordo hunga na e Estadio Maracana na Rio de Janeiro. E wega aki, ademas di tur e weganan cu lo tuma luga prome cu esaki, tambe lo wordo mira via e transmision na Amazonia lounge pa e fanaticonan di futbol local y di bishita.