Autor y pintor Irmgard Frans ta presenta un exposicion di su dibuhonan na biblioteca titula
“Bella y Edwin … Pia pa ki mi tin bo”. Esaki ta habri pa un y tur. Ta trata di dibuhonan conoci
como cartoons. E exposicion ta consisti di 13 storia na Papiamento cu e figuranan Bella y
Edwin. Hunto cu nan amigonan nan ta pasa aventura y pret na un manera inocente y poco ‘mal
mucha’.
Segun Irmgard Fransen: “Den e pinturanan cierto aspectonan ta wordo treci dilanti, manera nos
mata y parhanan. E exposicion aki ta algo inovativo pa Aruba, door cu e meta no ta solamente pa
laga e bishitantenan sinti nan mes alegre (lachen is gezond) pero tambe pasobra cu e ta un “reizende
tentoonstelling”, Esey kier men cu e exposicion aki ta bay otro pais, pa e hendenan cera conoci cu nos
lenga Papiamento y nos “muchanan” tropical. Si Belgie tin Suske en Wiske, Inglatera tin Billy & Betsy
Turf, na Merca tin Betty Boop y hopi otro, Aruba desde awe tin “Bella y Edwin.”
Irmgard ta describi su mes como un persona cu ta gusta desafio
y aventura….”Mirando cu e aventuranan y recuerdonan ta hopi, mi a
dicidi pa contanan den forma di storia pinta. Atrobe, tumando e
curashi pa haci algo, sin tin idea con pa yega na e destino final.
Actualmente 13 di e 50 storianan a wordo ilustra. E temanan ta simpel
y di caracter gracioso. Den cada storia nos por mira y reconoce nos
mes, un ruman, famia, amiga of amigo. E meta ta pa trece un sonrisa
ariba cara di esnan cu ta bishita e Expo “Bella y Edwin … Pia pa ki
mi tin bo”.
Segun Irmgard M. Frans, naci na aña 1955, e ta e di 7
generacion femenino naci na Aruba, es decir cu ta registra
desde 1831. Y bayendo mas den tempo, su rais lo termina na e indjan femenino Caquetio,
bibando den e area di Tanki Flip of Tanki Leendert, caminda restonan di nos antecedentenan a
wordo haya.
E exposicion ta habri te dia 20 di juni pa
publico y ta habri durante orario di biblioteca
na George Madurostraat 13. Specialmente
mucha ta bon bini pa diberti un rato cu e
storianan hopi pret.
