IMG_7669

Esaki ta ultimo siman pa inscribi pa participa na e “Betico Memorial 10K Run” y 6K Fun Walk & Run


Nos ta den e ultimo siman di preparacion pa e grandioso careda di ‘Betico Memorial’ cu ta wordo organisa anualmente pa IBiSA. Diadomingo awor, dia 25 di januari 2015 e careda ta sali exactamente pa 6’or di mainta for di riba caminda principal dilanti di Centro Deportivo Betico Croes na Sta. Cruz. Inscripcion ta tumando lugar na oficina principal di IBiSA situa na Frankrijkstraat 1 y tambe na IBiSA Sport Centrum San Nicolaas for di 7:30a.m. pa 12’or p.m. y di 1:00 p.m. pa 4:30p.m. Un invitacion cordial ta bay na pueblo di Aruba en general y tur esnan cu tin custumber di participa na e gran careda aki pa inscribi mas pronto cu ta posibel. Ta tuma inscripcion te cu diahuebs, dia 22 di januari 2015 pa 4’or p.m. Inscripicion pa participante local na e 10K Run ta Afl. 15,- y pa participante internacional ta US$. 10,-. Mientras cu pa e 6K Fun Walk & Run esaki ta Afl. 10,- of US$. 8,-. Premiacion di e 10K Run ta segun categoria di edad y ta premia e coredonan masculino y femenino cu finalisa na 3er, 2do y 1er lugar den nan categoria. Pa e 6K Fun Run/Walk ta premia 1er, 2do y 3er lugar den canado pa femenino y masculino. Mientras cu tambe ta premia e prome 3 coredonan masculino y femenino cu cruza e linea final. Abo so falta. Inscribi awe mes y cuminsa cu determinacion, trahando riba bo salud y condicion

Leave a Comment