e-aruba seminar renaissance convention center

ESAKI TA E SIMAN DI E SEMINARIO E-ARUBA!


Diasabra proximo dia 5 di April 2014 den Renaissance Convention Center RBC Royal Bank ta presenta e seminario “E-Aruba”. Aki 3 orador internacional lo comparti hopi conocemento riba e topiconan di “Social Media”, “Mercadeo Digital” y “Entrepreneurship”. Hopi ta e registracionan cu a cuminsa drenta riba e website www.e-aruba.com tanto for di hendenan local na Aruba como hopi persona for di Curacao.

Hopi ta e pregunta riba kendenan lo mester atende e seminario aki. E contesta ta hopi amplio. E seminario ta hopi bon pa personanan cu ta traha den mercadeo, communicacion, relacionan publico, tecnologia, benta, studiantenan, top management y personanan cu den future lo kier habri un negoshi. Naturalmente cualkier otro persona cu un interes den e tres topiconan ta mas cu bon bini.

Aruba sigur por hasi bon usa di e evento aki mirando cu e oradornan Ramon Ray for di New York, Richard Pollack for di Florida y Andres Barreto tambe for di USA ta oradornan cu hopi peso.

E seminario mes lo ta mitar dia cuminsando pa 9 or en punto. Porta ta habri for di 8 or di mainta caba.

E carchinan pa e seminario ta na benta na Office Systems, Write Here y online via www.e-aruba.com mester registra.. Riba e website por haya mas informacion tambe relaciona cu e otro oradornan cu lo hiba palabra riba topiconan di “Digital Marketing” y “Social Media”.

E evento ta wordo patronisa pa RBC Royal Bank Aruba, Marriott Resorts Aruba, Ministerio di Asuntonan Economico, Comunicacion, Energia y Medio Ambiente, Office Systems Aruba, Insel Air, PwC, Setar, Brand-it PR & Marketing, Crown Electronics, KPMG, Tera Group, WEB Aruba N.V. , Elite Productions, Cool FM 98.9, Magic FM 96.5, Fresh FM 104.3 , Click Print y 24ora.com. E organisacion ta den man di Infinity Media Aruba.


Leave a Comment