E ta por lo menos un di e empleadonan cu ta compronde su rol den e organisacion Maria Dirksz a celebra 25 aña trahando cu Polis


“Na momento cu un trahado comprende e importancia di su rol

den e organisacion, cuerpo policial lo ta excelente. Na momento cu un persona distingui su mes entre e

otronan ta semper di aprecia y di divulga”, asina Alto Comisario di Polis mr. Dolfi Richardson ta inicia su

discurso den presencia di ex Hoofd Inspecteur Roland H. Nicolaas cu a haci acto di presencia pa

reconoce un di e personanan cu a presencia e cambionan den Cuerpo Policial y cu ta wordo reconoce pa

su 25 aña di servicio fiel, esta Maria Dirksz.

“Un di e consehonan cu mas mi a balora den bida ta pa rondona mi mes semper di hendenan confiabel y

leal y esaki mi a haya den Maria Dirksz, un hende cu hopi conocemento y hopi critico y cu un curason pa

e cuerpo policial. Lo mi no por a yega na unda mi ta awe si e persona aki lo no tabata para banda di mi y

hasta tin bes mi dilanti pa guia mi.” Alto Comisario di Polis Dolfi Richardson ta sigui divulga.

Maria Dirksz a cumpli 25 aña di servicio. A inicia su carera na 1990 na momento cu Korps Politie tabata

pasa den un di e renobacionnan mas grandi despues di Status Aparte. Maria Dirksz a sa di pasa dor di tur

e cambionan aki cu e focus principal di pasa su conocemento pa tur envolvi den cuerpo policial y percura

cu tur persona ta informa y comprende e cambionan.

Un persona cu a percura pa e cultura di Korps Politie prevalece y tur esunnan conoce esaki y no haci

erornan cu kisas ta incoregibel. Den un organisacion asina compleho esaki ta e punto di mas referencia.

“Mi a percura pa haci mi trabao cu no tabata uno facil. Perseverancia y actitud di loke mi a siña for di mi

mayornan a yuda mi hopi na principio y awe 25 aña despues mi por ta orguyoso di tur loke mi ta

presencia den Cuerpo Policial.” Maria Dirksz hopi emociona ta relata.

Ex relacionista publico y coordinador Shon Pe Krozendijk tambe tabata presente na e ocasion y a recorda

tur hende e temponan cu e corant Alto Vista tabata wordo traha y a conta cu e inteligencia y dinamismo

di Maria Dirksz. Un persona cu nunca ta di mal humor, cu ta scoge pa prioridad y ta proactivo. Un

persona cu ta percura pa tur hende rond di dje ta produci.

“Mi no por a keda sin ta presente awe, Ex Hoofd Inspecteur Roland H. Nicolaas ta relata. Maria a nifica

masha hopi pa nos organisacion. Un persona sincero y den mi tempo mi man drechi y mi man robes cu a

yudami lanta e cuerpo policial despues di Status Aparte, y mi ta agradecido pa esey y ta desea pa e sigui

progresa.”

Mando Policial di Aruba ta hopi orguyoso di nos propio hendenan, cu ta fungi como un estimulo pa otro

miembronan di Cuerpo Policial duna lo miho di nan y ta inspira pa tambe yega na exito den un

organisacion, Alto Comisario di Polis Dolfi Richardson a conclui bisando.


Leave a Comment