E cantante, escritor di cantica, productor y artista Hulandes/Arubiano fenomenal Pete Philly lo ta viahando pa Aruba pa duna les como parti di Art Rules Musica y Presentacion.
Presenta pa RBC Royal Bank, Art Rules Aruba, cual ta cuminsa riba dia 5 di Juli, a bira e programa mas grandi di zomer cu ta ofrece muchanan e oportunidad pa tuma parti den e tayernan intensivo di 2 siman, cu e miho artistanan internacional for di rond di mundo. Celebrando 5 aña, e organisadornan ta haciendo e grupo di maestro mas grandi y impactante ainda, agregando varios artista celebridad pa duna les como parti di e programa!
Pete Philly ta un di e 15 maestronan cu lo bin e isla e aña aki. El a haya aclamacion positivo na mas di 30 pais, y a viaha rond mundo, ganando e premionan mas prestigioso di musica y ricibiendo elogio prestigioso den e ramo di arte y comunicacion.
Su obranan ta dificil pa categorisa bou di un titulo, sea ta pa su musica inovativo cu e ta crea hunto cu su partner Perquisite (conoci como e duo di HipHop Pete Philly & Perquisite) of su obranan como un solo artista (musica di Soul/HipHop basa riba Negro spirituals), ademas di su reinvencion di musica online cu su proyecto di OpenLoops, y no por keda sin menciona su reputacion como un artista riba e scenario. Pete Philly su ultimo presentacion riba e isla, pa e Famia Real di Hulanda, tabata nada menos cu extraordinario.
Organisadornan di Art Rules ta contento cu por fin nan tin Pete Philly como parti di e grupo como un maestro, considerando cu esaki tabata nan meta desde 2012. Hunto cu e otro artistanan Levi Silvanie (Corsow) y Maikal X (Postman NL), kendenan tambe lo ta dunando les bou di e tema di Art Rules Musica & Presentacion, Pete Philly ta extremadamente contento di por bin bek un biaha mas pa su raiznan y conecta cu e hubentud local; hasta planeando pa filma su siguiente video di musica cu e studiantenan di Art Rules.
Yamando tur musicante, cantante, emcee y artista. Si bo kier e oportunidad pa traha cu algun di e miho artistanan den e industria di musica, esaki ta bo chens. Y si bo ta stima Musica mesun hopi cu Pete Philly, registra online awo mes, door di bishita www.artrulesaruba.com/apply. Yena e formulario di aplicacion, skirbi bo carta di motivacion y bira un di e studiantenan cu ta yama nan mes Art Rulers.
Pa mas informacion tocante TUR e maestronan, disciplinanan, e ultimo noticia y mas, bishita www.artrulesaruba.com of Art Rules riba nan plataformanan social via facebook.com/artrulesaruba twitter @artrulesU Instagram @Artrulesflicks
