postcards3_tagged

E Proyecto di Postkaart di Radisson a wordo diseña pa promove educacion di arte


Radisson Aruba Resort Casino & Spa a invita studiantenan participando den e programa di zomer di Art Rules Aruba presenta pa RBC Royal Bank, pa pasa un dia na e resort cu nan camaranan. E programa di educacion di arte, celebrando su di cinco aniversario na 2014, a tuma luga na Cas Di Cultura durante dos siman na Juli, ofreciendo 9 disciplina incluyendo Baile, Teatro, Media Creativo, Moda, DJ, Rap & Poesia, Arte Urbano, Musica & Presentacion, y Arte Culinario. E studiantenan di Media Creativo, guia pa maestronan internacional Cye Wong-Loi-Sing & Omar Brown, a concebi un opdracht interesante, esta di crea e postkaartnan nobo di Radisson. Nunette Maduro, Ehecutivo di PR & Comunicacion, ta raporta cu e resort kier a ofrece un servicio fresco y unico pa su huespetnan balora door di crea postkaartnan gratis y irresistibel cu ta obtenibel pa wordo comparti cu miembronan di famia y amigonan cu no tabatin e oportunidad pa bishita Aruba pa nan vakantie. E idea pa colabora cu Art Rules Aruba a wordo ricibi entusiasticamente y e studiantenan en berdad a captura e esencia di e resort, su beyesa y espacio abundante, e hardinnan luhoso y den general su carisma y splendor tropical via nan lensnan di camara, y despues manipula den e imagennan cu a sirbi como e postkaartnan. E rumannan fundador di e programa, Ayra & Ira Kip di e Pancake Gallery Foundation, ta hopi agradecido pa e sosten cu e sector priva a duna e programa, y nan a bisa cu sin e ayudo di e sponsornan generoso y envolvi, e programa excitante no lo por a existi y no lo por a ofrece e enrikicimento anual na Aruba su artistanan den desaroyo, cu mas di dos shen hoben entre e edad di 13 y 26 desaroyando nan talentonan personal. Aki por mira e Radisson Proyecto di Postkaart cu a bira un realidad.