Prof Relax (5)

E Professional Relaxation Group a pasa bon na Aruba na 2014


Lider di grupo Kevin Prince, di Divine9Online, a escolta e Professional Relaxation group pa Aruba, y a yuda organisa un fabuloso fin di siman di Dia di Labor riba e isla, na Divi Resorts, durante e ultimo siman di augustus. E grupo di 450 hende profesional ta viaha anualmente pa diferente destinacion y ta reserva nan itinerarionan via Divine9Online. E miembronan ta procedente for di tur rond di Merca, y ta disfruta di interesnan y ocupacionnan profesional diverso, pero un biaha pa aña, ora nan bini hunto, nan tur tin un cos sumamente importante den comun, esta e deseo di relaha y pasa hopi bon cu otro! Fiel na e grupo su nomber, e Professional Relaxation Group Aruba 2014 a participa den varios fiesta cu a tuma luga na e diferente propiedadnan di resort di Divi, incluyendo un fiesta di playa, cu nan pia den santo, na e Sand Piper’s Bar, Divi All Inclusive, y un fiesta di Wet n’ Wild rond di e infinity pool na Divi Village. E itinerario tambe a inclui fiestanan cu a tuma luga anochi laat na Fusion, Alhambra Casino & Shops, y un evento di alta estilo na Pure Ocean, Divi Phoenix Beach Resort. Ya cu nan a bula bin cu nan mesun DJ, e musica no a para na cualkier momento, y e bailamento a sigui continuamente. Aki por mira e Professional Relaxation Group pasando bon riba e isla durante nan aventura recien di vakantie tropical!