E prinsesnan Anna & Elsa di Frozen a yega Aruba!


Cu un jet directamente for di tera frieuw di Arendelle e dos

prinsesnan Anna y Elsa, conoci di e pelicula Frozen, a yega Aruba. E dos rumannan ta

forma parti di e presentacion di e ‘Frozen Sing Along Party’ cu ta bay tuma lugadia 25

y 26 di april na Piedra Plat Entertainment Center.

 

Ambos prinses a yega bon despues di un vuelo largo y a wordo ricibi den VIP-room di

Aeropuerto Reina Beatrix. For di eynan, custumbrando poco poco na nos calor

Caribense, Anna y Elsa a bay Palm Beach Plaza Mall na unda nan a wordo ricibi pa

Kerekentenchi Show – celebrando su di 6 aniversario – y un multitud di mucha bisti

den tema di Frozen cu ya caba ta sumamente entusiasma pa bay e Sing Along Party.

Na Palm Beach Plaza a tene un conferencia di prensa unda a anuncia e evento y na

unda Anna, Elsa, organisadornan y patrocinadornan por a responde preguntanan.

 

Tur cos ta mustra cu e Frozen Sing Along Party ta bay ta un evento grandi na unda

famianan lo por deleita nan mes den e mundo di Anna, Elsa, Olaf y Hans. No

solamente lo bay tin e Sing Along, pero tambe cantidad di actividad na unda

muchanan lo por hunga den un inflatable park, traha nan mesun snowman, laga nan

portret wordo saca den e Frozen Photo Booth y laga nan cara wordo pinta na un face

painting station. Ademas muchanan lo por laga nan creatividad bay allout na e

diferente Craft Stations cu lo bay tin y nan por participa den e carnaval cu tema di

Frozen. Riba diadomingo 26 di april tambe lo bay corona ‘Miss Frozen’. Pa mas

informacion, mayornan por tuma contacto cu Joraine Lopez na 5926931.

 

E Frozen Sing Along Party lo tuma lugar riba ambos dia entre 3’or di atardi y 8’or di

anochi. Carchi ta costa 35 florin pa dia y ta obtenibel na Gallo Rojo, Veneta Cucine,

Sweetlicious Ice Cream y Valero Palm Beach. Evento aki ta wordo organisa pa

Vibration Kids y Muchanan Sabi. Danki na Dufry, Colombian Emeralds Vibration PR y

y T.H. Palm, muchanan di Casa Cuna tambe lo por presencia e Frozen Sing Along

Party.