Fundacion AVI ta di opinion cu siñamento di e lenguahe di cine y descubri su magia
mester ta un derecho fundamental pa cada hoben. Door di compronde con un
pelicula ta hinca den otro y con storianan ta wordo conta, hobennan por desaroya
consciencia di nan historia cultural y nan lo ta capaz pa conta nan propio storianan
tambe. Yo Club su recursonan ta diseña pa probecha lo maximo di e medio
extraordinario di cine, pa envolvi hobennan y pa fomenta siñamento. E lo permiti
hobennan y incluso esnan cu tin dificultad cu metodo tradicional di siña pa nan tin
exito.
Fundacion AVI ta comprometi pa provee na tur hoben cu apoyo y guia pa nan por
cuminsa traha nan propio pelicula, sin importa nan origen of habilidad. Traha pelicula
no ta solamente un medio accesibel y beneficioso pa envolvi mentenan hoben,
pero tambe e ta sirbi como un tool hopi util pa trece hobennan cerca otro y mehora
desaroyo social.
Yo Club su programa di cine y audiovisual lo provee oportunidadnan y practicanan
pa hobennan, un programa structura cu ta inclui actividadnan manera tayernan,
actua den peliculanan, traha peliculanan y sketchnan audiovisual. E actividadnan
lo yuda e hobennan desaroya nan habilidadnan entre otro comunicacion, teamwork
y desaroyo di confianza. Ademas hobennan di Yo Club lo tin un papel sigura den e
produccionnan cinematografico di fundacion AVI.
Pa participa na e club mester tin minimo 12 aña, por registra riba
www.audiovisualinstitute.com.
