E Radisson GM’s Challenge Careda di Relay Masculino & Femenino a tuma luga den fin di siman ultimo y a pone 16 ekipo masculino y 8 ekipo femenino, consistiendo di e asociadonan di Radisson Aruba Resort Casino & Spa bataya contra otro y contra e elementonan di e isla su costa noord-west.
Ganadornan masculino di e prome luga, John Villar & Ranzinho Tromp, y ganadornan femenino di e prome luga, Audrey Wolff & Sofia Boekhoudt, a wordo acompaña pa tur participante na momento cu nan a ricibi nan trofeonan y regalonan, rondona pa un paisahe mahestuoso, durante e bahada di solo.
E programa di e evento, cuidadosamente compila y ehecuta pa e Gerente Ehecutivo Asistente Lourdes Geerman, a inclui e cantamento di e cantica di GM Challenge, door di Rebecca Santos Do Nacimento, y e presentacion di Old Brass Selection, un steel band en bibo. IBISA, e autoridad deportivo riba e isla, a yuda lansa e competencia y a registra e resultado cu fichanan di tempo bisti pa cada individuo. E careda a cuminsa cu e bendicion di e resort su Gerente General Mark Frances, un coredor entusiasma tambe, y e motor tras di e iniciativa.
E prome ekipo masculino a caba e ruta dificil den 32.32.558 minuut, mientras cu e prome ekipo femenino a conclui nan careda den 22:48.857 minuut.
E formato di e careda, den cual cada participante masculino a core 4K den un relay di ekipo di dos hende, y cada participante femenino a core 2K den un relay di ekipo di dos hende, a combina asociadonan cu diferente nivelnan di condicion y a crea un oportunidad pa berdadero colaboracion y sosten mutuo.
Na final di e careda, e miembronan di famia y amigonan di Radisson Aruba Resort Casino & Spa a uni cu e participantenan pa wak e wega di FIFA Copa Mundial 2014 entre Hulanda y Costa Rica, bou di un tent, riba un plasma screen gigantesco, cu coi bebe y pasapalo.
E atardi tan disfruta a culmina cu vuurwerk riba e ruinanan, cu Gerente General Mark Frances primintiendo un evento ripiti den algun luna, den un ambiente diferente pero igualmente entretenido.
Entre e top finalistanan masculino, Manuel Reyes y Orvin Croes na di dos luga, y Sandrick Tromp y Steve Lacle na e di tres luga. Entre e top finalistanan femenino, Brigitte Hernandez y Marilu Erasmus na di dos luga, y Norma Lacle y Elizabeth Cordoba na di tres luga.
Mark Frances tambe a gradici e miembronan di e comision di GM Challenge, Margarita, Marina, Melissa, Mina, Marvinia y Lourdes pa nan dedicacion increibel y trabou duro.
