lacabana

E Eagle Team a celebra su logronan durante un evento special


Eagle Beach — E Eagle Team, un grupo di asociado cu ta conciente di causanan social y comunitario, na La Cabana Beach Resort & Casino, a celebra su logronan door di bini hunto pa un lunch cu catering special den e sala di conferencia di e resort. E ekipo dinamico a caba di encabes un proyecto di renobacion na Hilario Angela College na San Nicolas, un scol basico cu ta forma parti di nos sistema local di scol publico. E scol a ricibi un facelift sumamente necesario di e resort, y su murayanan y columnanan fresco pinta ademas di e hardinnan bunita drecha a yama e studiantenan bon bini na cuminsamento di e aña escolar. Ya cu e scol a wordo adopta pa e resort, e Eagle Team a asumi e responsabilidad pa su mantencion y cuido. E trabou a wordo haci pa e departamento di ingenieria y boluntarionan di e Eagle Team, cu materialnan y recursonan cu nan a ricibi for di companianan local. Aichel Lynch, Gerente Asistente di Front Office y Presidente di e Eagle Team, a supervisa e lunch cu un animo y entusiasmo cu e ta conoci p’e. Den su palabranan di bon bini, el a haci un peticion publico na tur e asociadonan pa forma parti di e Eagle Team, participa regularmente den e reunionnan y aplica pa posicionnan riba e hunta di directive, asina tambe birando e oreanan y wowonan di e resort. E Eagle Team, Aichel a reitera, a wordo concebi como un instrument di comunicacion, cual tin e meta di scucha e preocupacionnan di e asociadonan y wak con por cumpli cu nan deseonan y necesidadnan, cual naturalmente ta haci un influencia riba e resort su trabou comunitario y responsabilidadnan social. Durante e lunch, e miembronan di e Eagle Team a disfruta di un presentacion di PowerPoint fresco y colorido, duna pa miembro di directiva Sandra Gacusan, mustrando hopi di nan actividadnan durante e prome nuebe lunanan di e aña. Tambe presente na e reunion tabata e miembronan di directive di e Eagle Team, esta Damian Tromp, Tessely Koolman, Ena Vrolijk y Glenda Brokke, kende a uza su mannan creative pa decora e sala. Miembronan di e departamento di Food & Beverage, Jeanette, Igmar y Pierre, a percura pa e catering perfecto di e evento, sirbiendo un seafood chowder sabroso, salada saludabel y pasaboca delicioso. La Cabana Beach Resort & Casino ta dedica un suma considerabel di tempo y recurso na actividadnan di asociado y comunidad cu ta diseña pa fomenta unidad, un sentido di responsabilidad comunitario y miho comunicacion. E Eagle Team ta encarga cu e organisacion di e eventonan special aki y ta logra haci hopi danki na e dedicacion y animo di su miembronan boluntario.