Bo a cumpra bo ticket caba ? Habri aña 2015 y cera Carnaval cu bo propio
cas. Pagando 25 florin bo ta haya un ticket cu cual bo ta participa den e rifa di cas di Aruba Lions
Club.
Directiva y miembronan di Aruba Lions Club a lansa nan rifa di 58 cas cu ta situa na Tanki
Leendert Residence. Aruba Lions ta trahando den estrecho cooperacion cu e compania Cas
Bon N.V. pa asina haci esaki posibel.
Ta di 58 cas cu Aruba Lions ta rifando como nan actividad di mas importante y mas grandi pa
recauda fondo. E cas ta traha segun e modelo Cayena, riba un tereno di mas o menos 314 m2,
cu ta un cas di 90 m2, cu 2 camber y 2 baño, cu airco den ambos camber cu ta un contribucion
di AMC Unicon, Internet/cable ta patrocina pa Setar N.V. y siguridad di alarma di ISS.
Na momento cu e ganado ricibi su cas e lo haya esaki completamente cla. E ta un cas moderno
y ideal pa cualkier famia. Cu solamente 25 florin abo por ta un feliz canando di e cas di Lions
E rifa di cas lo tuma luga dia 13 februari 2015. Tur miembro di Lions ta activo y comunidad por
acerca nan libremente pa compra di ticket, tur buki di rifa ta riba mercado. E demanda pa e
rifa di cas semper ta grandi y ta anticipa cu e rifanan lo caba hopi tempran e aña aki atrobe.
Pesey mes nos di Aruba Lions Club ta haci un yamada na comunidad pa cumpra bo ticket
tempran pa asina bo liña ta na awa.
Cu cada compra di un ticket di nos rifa di cas bo ta contribui na mes momento pa aporta pa nos
por sigui brinda y contribui na otronan den necesidad. Pa compra di ticket di nos rifa por acerca
nos miembronan , na nos oficina na Engelandstraat 11, na tel: 5821118 /7332734. Tur diasabra
y diadomingo oficina di Lions ta habri di 10-pa 1 or di merdia pa brinda nos comunidad e
servicio y por pasa cumpra un of mas ticket di rifa di Lions
