E artista Curasoleño Levi Silvanie confirma como un di e maestronan di arte pa Art Rules!

E zomer aki, e yiu di tera Curasoleño Levi Silvanie lo bira parti di e Programa Educacional di Arte internacional, esta Art Rules Aruba, cual lo cuminsa riba dia 5 di Juli. Presenta pa RBC Royal Bank, Art Rules Aruba a bira conoci como e programa di zomer mas grandi cu ta ofrece muchanan e oportunidad pa participa den tayernan intensivo di 2 siman, cu e miho artistanan internacional for di rond di mundo. Mientras cu nan ta celebrando 5 aña, e organisadornan ta haciendo e grupo di maestro mas grandi y impactante ainda, agregando e fenomeno Curasoleño Levi Silvanie como un di e maestronan di Musica & Presentacion. Celebrando 5 aña na Aruba, Art Rules tambe lo haci su debuta na Corsow, lansando Art Rules Curaçao net despues di Aruba, riba dia 21 di Juli na Luna Blou y La Tentashon. Acompaña pa otro profesionalnan den e ramo aki, Silvanie a wordo escohi pa bira un maestro pa tanto Art Rules Aruba como Art Rules Curaçao. Contento di por forma parti di e ekiponan pa ambos isla, Silvanie a bisa cu “E ta un honor pa traha cu Art Rules y pa colabora riba un proyecto pa inspira hendenan hoben.” Despues di a dedica hopi di su trabou na e hubentud, Silvanie actualmente ta trahando tambe riba e stimulacion di e movimento di GsmeMiss; su vision ta pa aumenta concientisacion y conocemendo di libertad di expresion y motiva hendenan hoben pa nan djis ta “nan mes”! Fundadornan di Art Rules ta super contento di por tin Silvanie abordo, mientras cu fanaticonan y sostenedornan ta di e opinion cu “Levi ta un di e artistanan cu hopi hende hoben por simpatisa cune, e ta compronde nan, y nan ta compronde e”. Ta mustra cu Silvanie ta perfecto pa un programa asina. Acompaña pa nada menos cu e leyenda di Hip Hop Shyrock (Postman) y e artista y productor internacional di Dancehall/Reggae, Maikal X, como tambe e emcee Hulandes/Arubiano Pete Philly, e lo no ta un sorpresa si Musica & Presentacion lo bira un di e tayernan cu asistencia mas halto na Art Rules Aruba e aña aki. Bo ta un artista aspirante cu kier mehora su talentonan? Ki miho manera pa siña un paar di cos for di e artistanan cu tin mas experiencia? Si bo stima Musica of conoce cualkier otro persona cu ta stima musica of cualkier otro disciplina cu Art Rules ta ofrece, registra awo mes! Bishita artrulescuracao.com/apply of artrulesaruba.com/apply pa yena e formulario di aplicacion, skirbi bo carta di motivacion y bira un di e studiantenan cu ta yama nan mes Art Rulers. Pa mas informacion tocante TUR e maestronan, disciplinanan, e ultimo noticia y mas, bishita www.artrulesaruba.com of Art Rules riba nan plataformanan social via facebook.com/artrulesaruba, twitter @artrulesU of Instagram @Artrulesflicks