AWD_160614_Strongest man_A3_4_0.indd

Durante henter luna di Oktober Cafe the Plaza lo ta celebrando su aniversario lo ta bai tin entre otro competencia di e homber di mas fuerte.


Café the Plaza situa na Renaissaince Marketplace ta celebrando su di 25 anja di aniversario cu hopi divertishon y weganan. Henter luna di Oktober lo ta jena cu festividad. Entre otro karaoke contest, descuentonan increibel, weganan pa mucha, un Old-timer show y e competencia di e homber di mas fuerte. Premionan ta consisiti di pasashi cortesia di Insel Air, gift certificates, boternan di binja y mucho mas. Parti di e ganashi acumula riba nos luna di aniversario lo bai pa SABA, e fundashon cu ta kwida nos grandi nan di Aruba.   E competencia di e homber di  mas fuerte ta un evento nobo, esaki lo cuminsa pa 6 or pm riba diahuebs 6 di Oktober, 2016. Participantenan ta wordo invita, particularmente e atletanan di Cross Fit, e competencia aki ta un demostrashon di musculo y forsa. Boso por spera di wak trekmento di Truck, coremento di tire, bari y hisamento di peso. Pueblo tin un otro reto, cu ta ensera para riba un pia riba un palo pa mas tempo posibel. Participantenan por registra riba nos side pa solamente AWG 5,– (esaki lo bai completamente pa SABA) cu chens di cai den premionan grandioso., e competencia lo tuma luga entre 7 cu 8 pm. Riba e anochi di e homber di mas fuerte, lo tin como entretenimiento DJ y MC. Di e 20 participante di musculo, 10 lo pasa pe gran final cu lo tuma luga riba diadumingo 9 di Oktober entre 4 y 8 pm. E ganador absoluto lo haja un pasashi ida y vuelta pa Miami cortesia di Insel Air y pa e runners-up tambe lo tin tremendo premio. ‘N Fuzion lo ta e banda cu lo ta animando e diadumingo aki for di 8-11 pm.   Riba e segundo weekend tambe lo tin actividad pa tur mucha cuminsando for di merdia te cu 6 pm, tambe un Old-timer show di 3-9 pm. DJ y MC tambe lo tey. Lo tin Shoarma stand cu sate y French fries y diferente cos di bebe cu lo juda pa kita tur hamber y sed; Fresh FM, Cool FM y Power FM lo ta e radionan cu lo zorg pa cover e evenemento. E sponser di mas grandi di e actividad di Cafe the Plaza ta Balashi Beer.   Riba luna di Oktober ta bai tin weganan di raspa y gana cu chens di gana hopi premio, entre otro cahanan di Balashi, Chill, gift certificates, lunch y dinner certificates, pasashi y hopi mas. Pa cada AWG 25,– of mas cu bo gasta ta dunabo chens di gana premio. Di 12-19 di Oktober tur hende ta haja 25% di descuento riba nan recibo di cuminda, tambe lo ta bai tin musica en bibo tur anochi pa deileita tur hende presente riba luna di Oktober. Un contest di canto lo tuma luga entre e café team di e anochi. E ganador di e contest aki lo risibi premio for di Titos Vodka y tambe for di Balashi y Chill.   Sponsernan di e luna di aniversario di Café the Plaza ta Balashi Beer, Chill, Insel Air, Aruba Wine and Dine, Pepia Est, Renaissance Marketplace, Okeanos Spa, Renaissance Resort, Twist of Favors, Travel Store Aruba, Aruba Medical Assistance y ASD.