TABLE TENNIS4

Durante di e Torneo “Open di Ping Pong Sport Centrum San Nicolas” e hungadornan a demostra cu na Aruba tin bon talento


Recientemente 12 deportista hoben di Aruba a regresa for di Curacao unda cu nan a participa den e Dutch Caribbean Youth Tournament di Ping Pong. E hobennan aki a demostra di tabata superior na nan contricantenan y logra gana den e mayoria categoria. E personal di Sport Centrum San.Nic ta sinti honra cu gran parti di e hobennan sa entrena bou encargo di e coach Rudy Ragga, den Sport Centrum San Nicolas IBiSA. Tabata net un siman promer cu e seleccion a viaha pa Curacao, cu e muchanan a hunga un torneo den Sport Centrum San Nic. Aki caba por a mira e nivel di e muchanan ora nan a competi contra di otro. Tabata bisto e bon preparacion cu nan a hiba tur e tempo cu nan tabata entrena. E torneo cu a tuma lugar na Sport Centrum San Nicolas tabata bou di guia di entrenador nacional Ruddy Raga, kende a cuminsa exactamente pa 5:30pm cu algun wega di calentamento pa despues sigui cu e torneo mes den diferente categoria. Muchanan a demostra di tin bon talento pa e deporte di Ping Pong , Sport Centrum San Nicolas ta felicita tur participante , especialmente pasobra nan participacion den e “Copa Sport Centrum San Nicolas” a haci e torneo resulta den un exito total. E ganadornan tabata e siguiente: Den categoria U10 1e. Bob Cheung 2do Jeramy Ras 3er Lohua Huang 4to Shon Kock Sigui pa: Emily Labasten, Jermain Ras y Lo Hsien Huang Den categoria U18 1e Jeandry Mathilda 2do Donald Yarzagaray 3er Jordy Zievinger 4to Sjoerd E Sigui pa : Derrick Feliciana, Jean Claude Hoek, Jonathan Paredes, y Jean Piere Helmeyer Aruba Table Tennis Association (ATTA ta informa: Pa esnan cu kier sigui practica e deporte di Ping Pong por pasa diamars y diahueps for di 5:00pm pa 6:30pm tin entrenamento di Ping Pong na Sport Centrum San Nicolas . Pa mas informacion por tuma contacto cu representante di ATTA na 6400578 of 5634400 of na Sport Centrum San Nicolas 5848903.