sandy roga

Dr. Sandy Roga eligi como International Chiropractor of the Year Un logro grandi pa Aruba


The Master Circle ta un organisacion International di Chiropractic cu ta dedica na engrandece Chiropractornan rond di mundo na nivel profesional y personal. Recientemente The Master Circle a bin Aruba pa un retreat cu un grupo di 40 doctor. Durante un cena hopi ameno di e Doctornan, Minister di Educacion, Michelle Hooyboer-Winklaar a haci presencia den representacion di nos gobierno di Aruba. E grupo di Chiropractornan a keda hopi impresiona y contento cu e atencion duna di parti di minister Michelle Hooyboer-Winklaar. Mayoria di e dokternan e keda asina hopi impresiona cu nos atencion y servicio cu nan a bisa cu nan lo bolbe back Aruba cu nan famia y amistadnan. Durante e estadia na Aruba e grupo a haya chance pa descansa, diberti, baha stress y ta leu for di friu cu ta atacando nan na Estados Unidos. Durante 3 dia di retreat e associacion di Chiropractors a duna diferente charla, lesnan y tambe a tuma tempo pa conoce Aruba y disfruta di su naturaleza, tranquilidad y buniteza.. Dr. Sandy Roga a wordo eligi dor di e organisacion di The Master Circle como International Chiropractor of the Year na September 2014, scogi for di dokternan den e ramo di Chiropractor full rond mundo. Esaki ta un logro personal hopi grandi, pero tambe pa Aruba, specialmente si nos compara nos mes cu otro paisnan. Dr. Sandy Roga tin 11 Aña trahando na Aruba mehorando e salud di nos pais.

Leave a Comment