Director Gerente Alex Nieuwmeyer, acompaña pa henter su ekipo ehecutivo, a ofrece un fiesta emocional den e Alhambra Ballroom pa dieztres empleado cu a baha cu penshun.
E dignitarionan cu a baha cu penshun, por a gaba cu hunto nan tabatin 381 aña di experiencia, y nan a raporta un variedad di sentimento mixto tocante e hecho cu nan tabata lagando nan compania di resort tan stima atras, sinembargo nan tur a expresa alegria mas cu tur cos, pa nan oportunidadnan nobo y e hecho cu nan lo por pasa mas tempo cu nan miembronan di famia y amigonan.
E fiesta a conta cu tremendo catering di e brigada culinario y e pensionadonan y nan miembronan di famia anima a disfruta di cocktails prome y despues di e ceremonia oficial di despedida, cual a inclui discursonan cu a bin directamente di e curason y e presentacion di plakkaatnan conmemorativo.
Un total di shete pensionado a forma parti di Divi su famoso brigada culinario, y mientras cu nan lo sinti falta di nan, e pensionadonan a pasa tempo ta entrena esnan cu lo a tuma nan luga, segun director gerente Nieuwmeyer, asegurando continuidad pa Divi su tantisimo sitionan diverso cu ta ofrece cuminda y bebida excelente. Nieuwmeyer a desea su pensionadonan un futuro feliz cu cushinamento de bes en cuando pa nan yiunan y miembronan di famia, como welonan y welanan na cas.
Entre e pensionadonan a figura Julia Perez-Gonzalez, kende a cushina cuminda delicioso pa e empleadonan den e Cafetaria pa cinco aña, Alvaro Bernal kende a sirbi como Round Cook y Butcher talentoso pa 12 aña, Martha Pineda, kende a traha como Second Cook, y Maria Terrero, un Cook Helper cu a comparti e espacio di traha den e cushina pa 27 aña. Tambe reconoci pa 29 aña di servicio tabata Erminda Benjamin, e persona responsabel pa e Pantry, Velicia Pierre Louis, un Cook pa 34 aña y Maria Kingsdale, un Second Cook pa 37 aña. E dos yiu hombernan di Maria tabata presente na e festividadnan y a expresa con deleita nan tabata pa cu nan mama su plannan di penshun. E ta biniendo cas serca nos, nan a bisa.
Beatriz Ochoa, representante di guest services pa 24 aña, desde e dia cu el a yega riba e isla, a comparti e scenario cu Luci Martinez, kende a cuida e espacionan publico cuidadosamente como un housekeeper pa 25 aña. Tambe yama pa e scenario pa ricibi su plakkaat conmemorativo tabata Norma Telesford, kende tabata responsabel pa e aspecto financiero den e departamento di accounting como un Account Payable Supervisor pa 31 aña, como tambe Cornelis Maduro, kende a pasa 43 aña como un Laundry Supervisor.
Seferina Briezen, un Reservations Agent, miho conoci como Inchi, a reina na e departamento di reservation pa 45 aña, anticipando y cumpliendo cu e necesidadnan y rekisitonan special di e huespetnan. Hunto cu bartender Juan Tromp, un veterano di 45 aña y un mixologista talentoso di e Pelican Bar, nan a para riba e scenario pa ricibi un ronda fuerte di aplauso pa e hecho cu nan a completa nan careranan largo y exitoso.
Aki por mira algun momento inolvidabel di e fiesta unda cu dieztres empleado dedica y hoben di curason a baha cu penshun di Divi Resorts.
