Circle K ta un organisacion internacional cu a wordo funda pa asina duna ayudo
y servicio na comunidad den diferente forma. Tambe, Circle K International ta
parti di e organisacion Kiwanis International cu desde aña 1936, ta haciendo
trabounan voluntario na diferente pais rond di mundo.
Pasco enberdad ta un celebracion cu nos no ta celebra solamente cu nos famia y
amistadnan, pero tambe cu nos coleganan y esnan cu nos ta concidera
personanan importante. Kiwanis ta consisti di personanan motiva pa duna bek
na e comunidad di Aruba y pa e motibo aki, ta importante pa zorg pa e club
keda crece. Despues cu e club a wordo instala oficialmente pa prome biaha na
juli 2014, e club di Circle K E.P.I a keda crece mas y mas. Kiwanis ta un famia,
miembronan di comunidad cu ta bin hunto pa logra cosnan positivo.
Kiwanis Circle K of Colegio E.P.I. ta contento di por yama bon bini na e
siguinte hobenan: Janella Henriquez, Jake Kelkboom, Elda Bruges, Zoe
Arendsz, Sherwin Rasmijn, Sidney Simoons, Christopher Koolman, Nakisha
Williams, Shawn Williams, Lisa Diaz, Shakell Bird, Miechaella Williams,
Anggie Gonzalez, Lisa Letang. Nos tin cu bisa, cu den e ultimo temporada e
hobenan aki tawata super activo den nos club, logrando projectonan manera;
Dog-Carwash 2014, Halloween Brownie, Christmas Bake Sale y mucho mas.
Esaki ta haci cu mas y mas e club a crece y studiantenan di E.P.I ta
continuamente motiva pa forma parti di nos club.
Desde awe, nos kier yama bon bini na tur e hobenan aki oficialmente na e famia
di Circle K International. Ta nos desea como club cu boso disfruta di e
experencia nobo aki y tur oportunidad cu boso ricibi. Hunto nos por haci un
diferencia!
Si bo persona ta un studiante di Colegio E.P.I. y ta desea mas informacion of
bira miembro di Kiwanis Circle K of Colegio E.P.I., please tuma contacto cu
nos na: 525-8798, manda nos un email na: circlek@epiaruba.com of manda nos
un mensahe riba Facebook: “Kiwanis Circle K of Colegio E.P.I”.
