despa

Departamento di Salud Publico ta haci un yamada na mayornan pa laga vacuna nan yui contra cancer na boca di matriz.


Manera ya ta conoci Departamento di Salud Publico seccion Cuido Salud Hubenil (JGZ) a introduci den luna di november e vacuna contra human papilloma virus (HPV) den Aruba su programa di vacunacion escolar. E meta ta pa proteha mucha muhenan contra cancer na boca di matriz, un enfermedad grave cu na Aruba tambe tur aña ta percura pa morto di e pashent. Den tur caso e malesa ta wordo causa pa un infeccion cu e virus HPV. Vacunacion ta duna bon proteccion den caso cu e wordo duna prome cu e mucha muhe bin den contacto cu e virus. Na school tur mucha muhe den 6de klas di scol basico y prome klas di scol secundario a ricibi un carta y foyeto di informacion. For di dia 3 te cu 28 di november mas cu 650 mucha muhe a wordo vacuna, e campaña tawata un exito y a termina sin ningun incidente. Mayornan di mucha muhenan den 6de klas di scol basico of prome klas scol secundario por ainda laga vacuna nan yiu(nan) sin ningun gasto te cu dia 19 di december. Pa haci esaki nan por acudi di dialuna pa diabierna for di 14:00 te cu 16:00 na Seccion Cuido Salud Hubenil (JGZ) cu ta situa na van Leeuwenhoekstraat 16 Oranjestad telefon 5224294.E vacuna contra HPV ta obtenibel tambe pa hobennan cu no ta den 6de klas di basis scol ni tampoco prome klas di scol secundario. Na balor di 35,- florin por pasa busc’e na Seccion di Malesanan Contagioso (DBZ) di dialuna pa diabierna entre 8:00 cu 12:00 y 14:00 cu 16:00 situa na Avicenastraat 1 Oranjestad telefon 5224221.  Hobennan menor di 18 aña mester presenta cu un mayor of voogd.

Leave a Comment