Den Basketbal Escolar Enseñsa Avansa organisa pa IBiSA: Abraham de Veer School ta titula Campeon


Competencianan di ‘Deporte Escolar’ organisa pa IBiSA ta continua y e disciplina di Basketbal

pa schoolnan di Enseñansa Avansa tambe a finalisa cu un tremendo wega den su final nacional.

E wega aki a tuma lugar diabierna 24 di october 2014 riba cancha di YMCA na San Nicolaas.

Despues di e weganan reglamentario entre e schoolnan cu a inscribi pa participa, e cuatro

schoolnan a clasifica tabata: De Schakel College, Filomena College, Maria College y Abraham

de Veer School.

E clasificacion na di tres lugar a keda pa Filomena College, cu ta logra esaki a base di su

puntuacionnan acumula. E desicion aki a conduci cu a hunga solamente e wega final pa campeon

cu a bay entre Maria College y Abraham de Veer School.

Den e wega di ‘Final Nacional di Basketbal Escolar’, ambos school a demostra nan talento y

agilidad den e wega. Esaki a duna e fanaticonan cu a bin pa apoya nan school, un tremendo

wega yen di suspenso y emocion pa mira. Durante e temponan di wega transcuri, e wega tabata

basta preta. Tur dos school a duna un tremendo bataya te na final. Tabata dificil pa specula

cua ta e school cu lo bira campeon. Apesar di esaki, den e ultimo tempo di wega e hobennan

di Abraham de Veer School a sali ta defende hopi bon. E tactica di wega aki a duna resultado

faborabel y ta sigura nan e victoria. E score final ta keda 37 punto na fabor di Abraham de Veer

School contra 22 punto di Maria College. E resultado ta duna cu Abraham de Veer School ta

titula campeon den basketbal escolar di Enseñansa Avansa y ta laga e posicion di sub-campeon

pa Maria College. Ambos school ta ricibi nan respectivo medaya, mientras cu e ‘Copa Rotativo

di Basketbal Escolar 2014’ ta bay pa Abraham de Veer School. Awor e hobennan di Abraham de

Veer School tin cu sigui practica pa keda den condicion pa proximo dos añanan nan purba retene

e titulo di campeon pa nan por keda cu e copa rotativo. Mientras tanto, mas cu claro, demas

schoolnan di Enseñansa Avansa tambe lo haci mescos pa purba logra e titulo otro aña y ricibi e

IBiSA ta felicita tur school cu a participa na e competencian di basketbal escolar, specialmente

e schoolnan cu a pasa pa final y bay cu premiacion. Na mes momento ta motiva e schoolnan

pa sigui participa na demas competencia di ‘Deporte Escolar’ organisa pa IBiSA. Por wak un

amplio reportahe di potret riba Facebook di IBiSA of riba website: www.ibisaruba.org .