E fort historico den curason di Oranjestad a sirbi como e seno perfecto pa un evento di aprecio di cliente tan disfruta, combina cu e introduccion oficial di e constelacion nobo di Deloitte Dutch Caribbean, cual ta inclui expertonan di Audit, Consulting, Enterprise Risk Services, Financial Consulting y Tax.
Partnernan Michael Leo van Romondt y Julian Lopez Ramirez a yama un bon bini caluroso na e huespetnan den Fort Zoutman, unda tur hende a disfruta di un sin fin di cocktails y hors d’oeuvres mientras cu nan a combersa y socialisa cu otro den un ambiente relaha y casual.
Durante su discurso cortico, Michael Leo van Romondt a marca e cuminsamento di un aña fiscal nobo pa Deloitte Dutch Caribbean como e motibo pa e celebracion, despues di a conclui un aña di crecemento den ganashi y resultado netto positivo, cual tabata posibel danki na e contribucionnan di e miembronan excelente di e ekipo.
Deloitte Dutch Caribbean, el a splica, ta activo den e mercado Arubiano ya pa mas di 30 aña, un compania cu raiznan local fuerte y coneccion solido cu e marca global di Deloitte. Fiel na su spirito di inovacion, Deloitte Dutch Caribbean tabata anunciando e cuminsamento di su colaboracion cu Deloitte Netherlands, expandiendo su experticio y presencia den e mundo compleho di negoshi aki cu semper ta creciendo.
Van Romondt a sigui pa introduci partner gerente Rob Zuiverloon, kende a comparti su vision pa e futuro cu clientenan invita y demas invitado, elaborando riba Deloitte’s su capacidad, cu no ta conoce limite, danki na e partnernan nobo, ambicioso y hoben cu ta prepara pa asumi cualkier reto y dedica nan recursonan amplio pa contribui na e negoshi diario di nan cliente, y yudando esaki crece y bira mas exitoso.
Junior Lopez Ramirez, kende tambe ta sirbi como e hefe interino di Douane riba e isla, entusiasticamente a introduci otro miembronan di e ekipo di Deloitte, kendenan a inclui Otmar Martina, compliance y audit, Mario Flores, risk, Saskia Lans, audit y technology, y Maghalie van der Bunt, human capital. Nan tur a haya un luga riba e scenario pa asina saca un portret di e compania su ekipo talentoso y completamente anima.
Deloitte Dutch Caribbean a wordo funda na Juli di 1982, ora Freddy Curiel a uni forsa cu Donny Bakhuis como parti di nan esfuerso pa crea un compania solido di accounting encabesa pa profesionalnan yiu di tera. Mientras cu na cuminsamento pa mayor parti tabata trata di un compania di accounting otro servicio a wordo agrega durante e añanan cu a sigui manera servicion di Consulting, Tax y Information Technology.
Nos ta mirando dilanti riba e futuro, tabata e declaracion di Romondt, e pronostico no ta cla, pero cu trabou duro, persistencia y un pensamento positivo, nos por logra hopi.
Aki por mira algun momento durante e anochi ameno cu a marca e fin di e aña fiscal y e lansamento di un organisacion refresca.
