Calloway Corporation, proveendo servicionan di catering di calidad pa aeroliñanan na Aeropuerto Reina Beatrix na Aruba, a wordo maneha exitosamente pa Deborah St Laurent pa e ultimo 33 aña.
E compania recientemente a wordo tuma over pa e Goddard Catering Group y e decision pa baha cu penshun for di e compania aki a haci cu tanto e Cohen Group, cual ta e doño original, como e doñonan nobo, esta e Goddard Catering Good, a dicidi pa duna e director saliente dinamico, miho conoci como Debi, un fiesta elegante di cocktail na Manchebo Beach Resort & Spa, den e Beach Pavilion.
Entre esnan presente na e fiesta pa desea Debi tur cos bon, tabata Aruba su Prome Minister y e prome dama, Mike & Doina Eman, e Minister di Husticia, Arthur Dowers y su esposa, y e Minister di Asunto Social Hubentud y Labor, Paul Croes y su esposa, ademas di hopi persona cu antes tabata traha of ainda ta traha pa Calloway Catering, ademas di empleadonan di aeroliña y e aeropuerto, Debi su amigonan di e comunidad local y miembronan di gerencia di Manchebo Beach Resort & Spa, como tambe representantenan di e Cohen group.
“No tabatin internet 33 aña pasa, ora Ike y Greta Cohen a ofrece mi un trabou na Aruba,” Debi ta corda. E ta corda cu hopi amor con e mester a bishita e biblioteca publico unda e tabata biba pa haya sa unda Aruba ta, pero asina mes el a bisa si di biaha, y nunca a wak atras. “Pa e oportunidad aki cu mi a haya,” e ta bisa, “Mi lo ta eternamente agradecido.”
Den e discurso cortico cu el a dirigi na e invitadonan, Debi a bisa cu tur e exitonan di e compania ta debi na su empleadonan actual y ex-empleadonan, esta e personanan dedica cu a haci e maneho di Calloway Catering hopi mas facil cu su despedida di e compania.
E compania, el a informa, for di awo en adelante lo ta maneha pa e sumamente capas Vincent Bell, kende tabata e asistente ehecutivo pa hopi aña.
Como un muestra di aprecio, Debi a ricibi un bunita plakkaat cu un nota personal emocional cu a gradici’e pa su creatividad, trabou duro y lealtad, y a desea Debi tur cos bon cu su aventuranan nobo.
Francisco Mallorca, representando Goddard Catering Group, a gradici Debi pa e tres lunanan di transicion den cual el a bin siña con un persona profesional impresionante Debi ta.
E fiesta a conta cu delicioso catering di e ekipo culinario di Manchebo Beach Resort & Spa, sirbiendo algun di Debi su hors d’oeuvres preferi, specialmente e extra colossal U10 shrimp, cual antes tabata aparece riba e menu di catering di first class pa e aeroliñanan.
Aki por mira algun momento inolvidabel durante e fiesta, mientras cu Debi a wordo inunda cu amor y aprecio, regalo y brasa, despidiendo di Calloway Corporation despues di 33 tremendo aña.
