Conferencia Linguistico Internacional na Aruba


E di 20 Conferencia Bienal di Society for Caribbean Linguistics (SCL) ta tuma

luga na augustus proximo. Esaki lo ta di dos biaha cu Aruba ta escenario di e

conferencia di SCL cu ta wordo organisa cada dos aña. Na 1980, bou di vice-
presidencia di Ramon Todd Dandaré Mag. Ling., a tene e conferencia linguistico

internacional di SCL na nos isla.

Fundacion Lanta Papiamento (FLP), Biblioteca Nacional Aruba (BNA), Instituto

Pedagogico (IPA) y Departamento di Cultura Aruba (DCA) ta anfitrion di e evento

aki. Nan ta trahando duro pa realisa e proyecto grandi, hunto cu otro instancia

local manera, Departamento di Enseñansa, Universidad di Aruba, Grupo

Corector di Papiamento y Fundacion Bon Nochi Drumi Dushi.

Kico ta Society for Caribbean Linguistics (SCL)?

Society for Caribbean Linguistics (SCL) ta un sociedad academico linguistico

cu ta studia idioma den Caribe. E sociedad ta publica tur e resultadonan di e

investigacionnan cu e ta haci riba tereno di idioma crioyo. SCL a cuminsa cu

su trabounan na fin di decada 60. Na 1968 tabatin e Conferencia Linguistico

Crioyo na Mona Campus di e Universidad di West Indies na Jamaica. Durante e

conferencia aki a lanta SCL. Cuater aña despues na Trinidad & Tobago SCL a keda

formalmente estableci y na 1976 SCL a tene su prome conferencia internacional

na Universidad di Guyana. Desde e tempo ey SCL ta tene un conferencia cada

dos aña na un pais diferente den Caribe. E prome presidente di SCL tabata

profesor Frederic Gomes Cassidy di Jamaica kende a biba gran parti di su bida

na Merca (1907 – 2000). E linguista Arubiano Ramon Todd Dandaré tabata vice-
presidente di e sociedad aki na 1980. Dos aña despues el a bira presidente di

SCL.