CMB ta reparti 5,000 rosa pa nos hendenan muhe di Aruba.

Oranjestad, ARUBA – Diasabra ultimo dia 8 di maart ariba Dia Internacional di Hende Muhe, Caribbean Mercantile Bank N.V. a subi caya desde 7’or di mainta caba pa felicita nos hendenan muhe di Aruba. E banco a bishita diferente tiendanan, supermercadonan, hotelnan, restaurantnan y tambe varios instancianan di cuido unda nos hendenan muhe tabata na pia di trabao y a entrega cada un, un rosa hunto cu un mensahe special di e banco. Alaves tur a wordo invita pa subi Facebook y yena un formulario electronico y participa pa gana 1 di 10 Treatment Packages na Mandara Spa na Marriott. En total e banco a reparti 5,000 rosa den nos comunidad. Un biaha mas un pabien y un danki ta bai na tur hendenan muhe di Aruba.