Clasico Himno & Bandera 2015 Roadbike & MTB


Un biaha mas Aruba Wieler Bond (AWB) ta organisa e Clasico Himno y

Bandera riba nos dia nacional 18 di maart fei 7.30 di mainta. Diasabra proximo (14 maart)

ta e ultimo dia pa registra.

E evento ta un di e actividadnan mas grandi di ciclismo pa participantenan di tur edad. Por

competi den diferente categoria di edad y distancia, den e disciplinanan di mountainbike (MTB)

y roadbike. E aña aki e careda di roadbike ta celebra su hubileo di 30 aña.

Riba e dia di e competencia mes, diaranson 18 di maart, lo no por inscribi. Por haci esaki ainda

na Tri-Bike St. Cruz y L.G. Smith Boulevard, Runners, RadioShack y FX Sports te cu diasabra

14 di maart, 6or di atardi. E dia ey lo tin un anochi di inscripcion na Don Pinchos na

St.Cruz entre 7 pa 9or.

Mucha MTB

Tin 4 categoria pa mucha cu lo core varios buelta riba dos diferente circuit, un di 2.5 KM y uno

di 5 KM. Categoria 1 ta pa muchanan di 6 pa 7 aña y nan lo core 3 buelta (7.5 KM total).

Categoria 2 ta pa mucha di 8 pa 9 aña y lo core 4 buelta (10 KM total). Categoria 3 ( 10 -11) lo

core 3 buelta riba e circuit di 5 KM (total 15 KM). Y finalmente e participantenan den categoria 4

(12 -14) lo core 4 buelta (20 KM total).

E circuit nan ta na Seroe Colorado y e careda ta cuminsa 8or di mainta. Costo di inscripcion pa

mucha ta 10 florin.

Adulto MTB

E participantenan adulto por core dos ruta d MTB: ‘Beginners’ lo core un distancia di 35 KM y

pa coredonan mas avansa tin e ruta di 40 KM. Por competi den diferente categoria, depende

edad y experiencia. Den e categoria Beginners Masculino y Femenino por competi cu edad di

14 aña bay ariba.

Banda di esaki tin e siguiente categorianan pa coredornan masculino: Expert (17+), Sportive

(14 – 29), Master A (30 – 39), Master B (40 – 49) y Master C (50+).

Pa coredornan femenino, nan ta: Expert, Sportive, Master (30+).

Start y finish lo ta na Seroe Colorado (hospital bieu). Tur categoria lo cuminsa hunto y pa

publico na banda esaki tambe ta un experiencia unico, mirando cu por spera un gran cantidad

di ciclista riba e caminda grandi di San Nicolas pa Playa. Na haltura di Restaurant La Granja, e

coredornan di MTB lo lora y drenta e caminda pa bay Yara pa sigui e ruta den mondi.

Roadbike

Coredornan di 14 aña bay ariba, por competi den e disciplina Roadbike. Tin un ruta so, tur e

coredornan lo core un distancia di 65 KM. Tur categoria lo start 7.30 di mainta na Seroe

Colorado, hunto cu e coredornan di MTB. E diferencia ta cu lo sigui core te rotonde di Pos

Chikito (no ta bay Yara). No tin categoria pa Beginners. E otro categorianan pa coredor

masculino y femenino ta igual na esunnan di MTB.

Costo di inscripcion pa adulto (MTB y Roadbike) ta 20 florin pa miembro di AWB, y no miembro

ta paga 25 florin.

Pa mas informacion tocante e disciplina di MTB, por tuma contacto cu:

Roxine Thielman, cel: 737-9999

Rhaina Montesant, cel: 748-4850

Email: comisionmtb@gmail.com


Leave a Comment