E sensacion dushi di yega na nan meta di benta tur luna a wordo iguala pa e experiencia di por pasa un dia riba e awanan blou cu ta rondona e isla. Un celebracion special cu a reconoce e logro increibel di yega na nan meta di benta luna tras di luna a tuma luga abordo di e yate di Tranquilo, durante un paseo priva, cu capitan Anthony Hagedoorn na mando.
E super-streyanan cu a wordo honra durante e paseo a inclui Edna Preche, Nicole Shand, Gabriela Ribbink, Vonnie Samuels, Lilit Fernandez, Jennefer de la Cruz, Lientje Thomas cu un invitado special, Digna Torres y e miembronan di e ekipo ehecutivo.
Director Gerente Jodi Tobman ta raporta cu e por traha cu un super ekipo di Supervisor y Asociado di Benta cu ta duna lo miho cu nan tin, tur dia, haciendo Jodi sumamente orguyoso di nan esfuersonan y con atento nan ta pa e necesidadnan y deseonan di e cliente, dunando servicio excelente na tanto hende local como bishitante, den e tienda cu ta situa na Playa Linda Beach Resort.
E yate di 43 pia a ofrece cocktails y hors d’oeuvres durante e paseo escenico, durante cual e lounge comodo di solo y cockpit a ricibi e asociadonan dedica pa nan aventura di paseo priva riba lama.
