Cas Bon a desvela plannan pa e Boegoeroei Residence nobo

Un proyecto nobo y excitante di Cas Bon NV recientemente a wordo anuncia ora e compania a haci e compra di un tereno cu e meta di desaroya un bario completamente nobo specificamente pa hobennan profesional den nos comunidad. Como un tereno potencial pa doñonan di cas, parehanan cu a caba di cuminsa nan bida hunto, haciendo e decision responsabel y ambicioso pa inverti den nan prome cas di famia, lo mira cu Boegoeroei Residence ta e escohencia perfecto. E tereno den e bario di Boegoeroei/Washington, unda e casnan lo wordo construi, ta centralmente ubica den e isla su area residencial preferi. E tereno dedica pa construccion ta mira den e otro direccion di e zonido di trafico, sinembargo ta disfruta di acceso facil na varios scol, centro di compras, hotel y tienda grandi, ademas di servicionan bankero y medico. E bario ta diseña pa yama bon bini na 28 cas, cu un infrastructura superior, y e cayanan, liñanan di coriente y awa, kabelnan di comunicacion y riolering ta bon pensa y expertamente planea. E casnan, cu actualmente ta den e proceso di wordo diseña, ta disfruta di un diseño y aire contemporaneo y moderno, y ta wordo ofreci den diferente configuracion, cuminsando na solamente Awg 225,000. E varios modelonan, nombra pa e matanan popular di Aruba, esta Kwihi, Kibrahacha, Dadel y Fofoti, ta varia den tamaño di 96.2M2 pa 121.3M2, permitiendo pa cambernan espacioso y espacionan amplio di hogar, tanto paden como pafo. E diseño di e casnan a cai den man di un architecto local cu tambe ta pas den e perfil di un profesional hoben. Jouel Croes di Cast N.V. Architects ta contribui su comprension di e cultura local y su experiencia di bida fresco y dinamico den diseño y tecnologia pa e creacion di un calidad di bida berdaderamente excepcional. Cumpliendo cu e deseo di e Gobierno di Aruba pa bira 100% berde pa 2020, contribuyendo na e isla su desaroyo sostenibel, Cas Bon ta mira Boegoeroei Residence como un proyecto piloto pa Construccion Berde, haciendo tur e pasonan corecto pa sigura cu e casnan ta cumpli cu principionan ambiental y ta dedica na su proteccion. Algun di e aspectonan special introduci na Boegoeroei Residence ta inclui construccion solido di bloki y cement, bentana cu insulacion, y daknan cu bon insulacion. Adicionalmente, e desaroyador ta ofreciendo doñonan di cas e opcion di paketenan di pantayanan solar, paketenan di reciclahe di awa, aparatonan electrico cu ta uza energia na un manera eficiente, y sistemanan di inverter di airco, na e momento di compra. E opcionnan balioso aki tur por wordo inclui den e pagonan di hipoteca di cas via e banco. Un vocero pa Cas Bon NV ta mustra riba e hecho cu e oferta unico di inclui e opcionnan cu pagonan di hipoteca ta obtenibel exclusivamente pa e clientenan ambientalmente responsabel di Boegoeroei Residence, y estudionan a mustra cu e inversion den aspectonan cu ta ambientalmente responsabel den transcurso di tempo ta spaar mesun hopi placa cu e inversion riba su mes. De hecho, Cas Bon NV a sigura un aliansa strategico cu e isla su proveedornan di energia y awa, esta WEB & ELMAR, pa promove SPAARMENTO HUNTO, un esfuerso hunto di doñonan di cas y proveedornan di servicio pa spaar energia y recursonan. E Boegoroei Residence nobo a wordo concebi pa e miembronan dinamico di e famia Croes, resultando den e beyesa, calidad, estilo, seguridad y conveniencia di e desaroyo, corectamente financia y bon construi, cumpliendo estrictamente cu e presupuestonan y calendario di construccion. Cas Bon NV ta un corporacion maneha pa un famia y ta specialisa den desaroyo di comunidadnan residencial, di inversionistanan local pa famianan local, cu mas di 20 aña di experiencia, responsabel pa e desaroyo di mas di diez comunidad residencial, incluyendo Bubali Villas, Surfside Villas, Sabana Villas, Villa Park Tanki Lendeert, Sero Blanco Villas, y Paramira Villas, y pa e mercado di turista, Gold Coast Aruba.