E maestro ta forma parti esencial di e desaroyo y formacion intelectual, social y moral di
muchanan; Caribbean Mercantile Bank N.V. (CMB) como banco ta haya esaki supremamente
importante y ta apoya tur esfuerzo y instancia cu tin como prioridad pa eherce esaki. E profesion
di Maestro ta un noble cu sin nan nos no lo tin Medico Specialista, Juez of Notario of cualkier
otro Profesion na Aruba. Pesey e aña aki atrobe CMB a yama danki na tur Maestro di Aruba
apoyando e nominacion di e Maestronan basa ariba testmonio di colega- y famianan di e Maestra-
y Maestronan.
E ceremonia a tuma lugar den Aquarius Lounge den Renaissance Mall caminda den presencia
di Minister di Enseñansa Michelle Hooyboer Winklaar a nombra sra. Charity Croes como
Maestra di Aña pa 2014.
Akinan a sigui palabra di felicitacion di nos Minister y tambe di parti representante di CMB Ilán
Lopez.
CMB como sponsor di e iniciativa aki a regala sra. Croes un biahe pa 2 persona pa Miami,
conhuntamente cu USD 2,000.00 como zakgeld.
Tambe, como forma di aprecio pa e trabou cu e Maestronan ta eherce CMB lo regala Afl. 500.00
na cada un di e nominadonan pa Maestro di Aña 2014.
Departamento di Enseñansa Aruba y Minister Michelle Hooyboer-Winklaar kier a gradici CMB
un biaha mas pa nan bunita aporte na e bunita proyecto Maestro di Aña.
Pa mas informacion por acudi na nos website Enseñansa Aruba | www.ea.aw.
Tambe por haya nos riba Facebook na: facebook.com/educationaruba caminda regularmente nos
ta publica informacion nobo.
