CARCHINAN PA FLIP FLOP FESTIVAL 2018 NA BENTA ROND DI ARUBA


Manera a comparti cu proximamente 28 – 29 y 30 di April 2018 lo tuma lugar e di ocho edicion di Flip Flop Festival riba e beach di Bushiri. Pa cu e festival aki por menciona cu e fanaticonan di e artistanan a sa di cuminsa busca nan carchi. Esaki ta conta tanto pa e categoria di entrada general, vip weekend pass y pa mesa. Den fin di siman e carchinan pa entrada general den e categoria di “Early Bird” a sa di caba ariba diasabra. Esaki a hasi cu actualmente e entradanan general ta na benta pa 75 florin pa persona. Apart di entrada general tin e categoria di Week End VIP Pass cual ta duna e persona acceso na tur tres anochi di e festival. Tanto e ‘Welcome Party’ dia 28 di April na Emotions, E ‘Pool Party” na Aruba Renaissance Hotel dia 29 di April y e concierto principal dialuna dia 30 di April 2018.  E sigiente dia ta un dia liber nacional. Pa loke ta e Week End VIP pass esaki ta dunabo acceso durante e concierto pa e area di Standing VIP cu ta ubica net dilanti e stage. Pues aki tin e mihor bista riba e artistanan. E prijs pa e seccion aki actualmente ta na benta pa Awg. 125,- y lo subi ora e cantidad limita caba. Pa loke ta e Mesanan di VIP esakinan tambe ta duna acceso na tur tres anochi di e festival y durante e anochi di concierto lo ta riba un plataforma halto pa un tremendo bista. Pa VIP por jama : 735-1507. E carchinan ta obtenibel na Citgo Palm Beach, Citgo Boulevard, Citgo Santa Cruz y Citgo Essoville. Artistanan confirma: Fat Joe, Alborosie, Karol G, Beenie man, Jeon and Special Guest, Natty Rico, Freddy Moreira and more. Flip Flop Festival is Powered by Chill Beer, Digicel, JDB Agency and Elite Productions & Entertainment.  

Leave a Comment