Resultadonan di Mens Erger Je Niet LIVE hunga Diabierna ultimo ta como lo siguiente: Den e promer
partido, Jun Jun Racing ta sali victorioso clasificando como number uno y Family Gang number dos.
Ambos ekipo ta sigui pa Pool A. Na di tres lugar Citizens y Toyota number cuater. Dos ekiponan aki
ta sigui pa Pool B. Weganan a continua pa 10’or cu otro interesante partido unda The Beef People ta
clasifica como number uno pa Pool A y Palmita di Oro number dos. Pa Pool B ta clasifica The Jolly Jokers
na di tres lugar y Chill Swa number cuater. Dos partido hunga riba un nivel hopi halto.
Pa fin di siman venidero tin programa dos anochi di ambiente y competencia. Diabierna 13 di Juni
cuminzando 8’or tin riba schedule e partido entre Sin Miedo (geel), 1 Live 2 Live (berde), Heavy Yiu
#2 (corra) y S.I.S.S. (preto). Sigui 10’or cu partido entre Bay Gaña Baca #2 (geel), Seru Weburi (berde),
Keep on Walking (corra) y Midwest Muffler Shop (preto). Diasabra 14 di Juni campeonato ta continua
cu partido programa pa 8’or entre Kleine Vrijdag Crew (geel), Cana Malo Pasa Bon #2 (berde), Old Parr
(corra) y Bombers (preto). Ultimo partido di anochi ta cuminza 10’or unda lo enfrenta otro Flor di Brazil
(geel), Parke Arikok Sales (berde), Wema Langzaam Maar Zeker (corra) y Bongos (preto).
Un fin di siman hopi pisa unda no menos cu 16 ekipo lo bataya otro deportivamente den e ambiente
familiar cu Mens Erger je Niet LIVE so por brinda. Bo ta keda cordialmente invita.
