Bus di Salud ta duna servicio extra cu ta e test pulmon


Dia 31 di mei ultimo tabata e ‘Dia Mundial sin Tabaco’ y en conexion cu e fecha aki Instituto

Biba Saludabel y Activo, IBiSA ta informa cu Bus di Salud ta sali pa duna su servicio na

comunidad cu un test extra di pulmon.

Diahuebs dia 5 di juni 2014, Bus di Salud ta staciona den cercania di e retonde di Tarabana for

di 8’or di mainta pa 3’or di atardi. IBiSA ta invita pueblo di Aruba en general, pero specialmente

habitantenan di Tarabana, Dakota y vecindario pa acudi na Bus di Salud pa haci un check-up di

nan salud.

Un invitacion special ta bay na tur humado pa bin y haci e test di funcionamento di nan pulmon.

Esaki ta un servicio extra cu durante luna di juni Bus di Salud ta ofrece na comunidad di Aruba,

pa cual IBiSA ta spera cu nos hendenan por haci bon uzo di dj’e.