p1310741

Bus di Salud lo ta den Bario di Sta. Cruz


En conexion cu e ‘Dia Mundial di Curason’ cu ta dia 29 di september proximo, Bus di Salud lo atende e comunidad di Sta. Cruz y vecindario riba diaranson dia 28 di september 2016. Bus di Salud lo ta staciona riba e tereno dilanti di Wit Gele Kruis Sta. Cruz/Centro Curason y for di 8:30 a.m. ta cuminsa atende bishitantenan y ta bay te cu 3’or di atardi. E chekeo ta ensera un control di sucu, colesterol, presion y peso. Tur chekeo ta completamente GRATIS y no mester ta na yuna pa haci e testnan. Solamente ta pidi pa tur persona presenta cu nan carchi di AZV. IBiSA ta recorda comunidad cu prevencion di enfermedad di curason ta cuminsa cu conocemento di e factornan di riesgo. Un evaluacion preventivo na tempo ta importante pa e salud di bo curason. Ta pa e motibo aki cu e chekeonan ta di sumo importancia, pa cual IBiSA ta invita un y tur cu ta cerca di e area pa presenta diaranson proximo.

Leave a Comment