CASA CUNA

Bunita exposicion di mas di 20 Kerstboom na Seroe Pita 34 C pa Casa Cuna Cu e oportunidad pa bira amigo di Casa Cuna


Fundacion Casa Cuna Progreso ta un internado pa muchanan entre 0-8 aña. Nan meta ta pa cuida y guia muchanan cu pa un of otro motibo no por biba na cas y pa duna sosten den guia di e mayornan. Un di “nan amigonan di Casa Cuna” ta organisando un tremendo exposicion na su cas na Seroe Pita 34 C, caminda lo ta bay tin mas cu 20 diferente kerstboom, cu diferente temanan y cu diferente color di lus y adorno. Tambe ta bay tin varios otro juguete di pasco, cu ta canta, papia y conta storianan. Esaki ta algo bala la pena sigur pa tur famia di Aruba, pasa wak, un mundo total di Pasco. E fechanan cu e exposicion aki lo tuma lugar ta 12,13,14,18,19,20,21,29 y 30 December entre 1pm pa 4 pm (special pa e chikitinan) y entre 6 pm-9pm. Tambe ta posibel pa hasi reservacion pa grupo na Tel. 5608970. E exposicion aki ta gratis, pero cu e meta pa recauda fondo pa e muchanan di Casa Cuna. Pesey na final di e exposicion ta bay tin e cas di Casa Cuna pa tur cu kier, por deposita algo aden. Tambe ta bay tin formulario di amigo di Casa Cuna pa jena pa esnan cu ta interesa pa bira amigo di Casa Cuna nobo pa anja 2015. E projecto “amigo di Casa Cuna” ta un projecto cu a cuminsa oficial anja pasa 30 november 2013, caminda personanan por bira amigo di Casa Cuna door di firma un standing order di Banco for di nan cuenta pa cuenta bancario di Casa Cuna. Nan tin cu djies bin cu un copia di nan ID, firma y yena e suma ariba e formulario cu nan ta desea di juda Casa Cuna cu ne. Tambe nan lo por bira un amigo boluntario, cu kier juda cu diferente trabouwnan boluntario na Casa Cuna of cu nan ideanan. Casa Cuna ta apoya e actividad aki y ta conta ariba bo presencia y apoyo pa sigui recauda fondo pa mantencion di nan edificio y pa crea un fondo structural pa por cubri mas hopi di nan gastonan mensual. Tambe Casa Cuna kier hasi di e oportunidad aki pa informa pueblo cu por jama directora sra. Quilin Arends na 585-7177 libremente, pa confirma si cualkier actividad, cu ta worde hasi den nomber di Casa Cuna, tin aprobacion di Casa Cuna mes. Pa motibo cu Casa Cuna no tin control ariba e finansas di tur e actividadnan cu ta worde hasi ariba propio initiativo, sin autorisacion di Casa Cuna y djies kier pa e pueblo ta conciente di esaki promer cu contribui. POSTBUS 733-ORANJESTAD, ARUBA-TEL.:585-7177-FAX: 585-3010-E-MAIL: casacuna@setarnet.aw

Leave a Comment