Corporate Thanks (12)

Bisando danki pa nan lealtad continuo


Cu Pasco yegando den mas o menos 90 dia, Radisson Aruba Resort Casino & Spa a saca su tapijt cora pa un fiesta inolvidabel, diseña pa entretene y deleita representantenan corporativo cu ta encarga cu decisionnan importante. Chef Hector Espinoza y su ekipo culinario a presenta un surtido di bunita plato, incluyendo prome plato, platonan principal y pasabocanan cu a wordo selecta for di e menunan di fin di aña pa 2014, y cu a wordo sirbi como hapnan chikito na e grupo elegante di invitado local. Invitadonan a disfruta di un experiencia culinario fantastico, canando rond di e Grand Caribbean Ballroom pa bishita e diferente stacionnan di cuminda, disfrutando di e musica di Ofo Escudero su trio 3SOM, e isla su animadornan faborito. E miembronan di e ekipo di food & beverage na e resort tambe tabata presente pa introduci invitadonan na e diferente paketenan di fin di aña, cualnan ta inclui cuminda prepara expertamente, den un variedad di prijs conveniente, ofreci na varios sitio rond di e resort, incluyendo e Aruba Penthouse na e di 9 piso, e Sunset Deck y e Grand Caribbean Ballroom, perfecto pa eventonan di cena y brunch. E aña aki, Radisson Aruba Resort Casino & Spa a agrega un Community Champagne Brunch elegante, cual ta inclui 10 stacion di cuminda, incluyendo cushinamento riba grill, preparacion di omelet y preparacion di pasta en bibo, ademas di stacionnan di cuminda di lama, pasaboca y stacionnan pa mucha, cu un sin fin di Champaña y Mimosa, door prizes y entretenimento en bibo, tumando luga riba dia 14 di December, 2014. E ekipo excepcional di Catering & Conventions, Marvinia Richardson, Raynold Semeleer y Audrey Wolff, a yama invitadonan bon bini na e experiencia spectacular di fin di aña na Radisson Aruba, y a recorda clientenan cu nan ta ofrece espacionan flexibel pa fiesta di tur tamaño cu tela blanco pa cubri mesa y stul, decoracion di fin di aña, escenario, podium y pista di baile complimentario, ademas di provee invitadonan cu bebidanan di bon bini gratis. Aki por mira e Fiesta di Aprecio, den colaboracion cu e isla su top importadornan di Liquor y Alcohol, e Larimar Spa y e Casino na Radisson, ofreciendo un tremendo ambiente di fiesta incluyendo e famoso Ora Loca finale.