Athletanan local di Monster Energy, Daniyel Tromp & Darrell Werleman lo representa Aruba den e Monster Energy Bmx Freestyle Exams na Trinidad & Tobago dia 25, 26 & 27 di April. E dos hoben nan aki a wordo invita pa ta parti di e evento aki door di representantenan di Monster Energy na Trinidad & Tobago y cu orguyo nan lo representa Aruba banda di otro 95 coredo di BMX di 23 diferente pais.
E evento aki ta a cuminsa na 2010, organisa pa TREVLON HALL, e promer Bmx Freestyle Pro Rider di Trinidad & Tobago kende a team up cu Monster Energy y a crea e Monster Energy Bmx Freestyle Exams. E aña aki e competencia lo conta cu presencia di Atletanan profesional, e mihornan rond mundo den e categoria di BMX y lo reparti $86.000,- den premio.
Daniyel Tromp ta un hoben di 26 aña di edad y cu mas di 10 aña den e mundo di Freestyle BMX. Semper e tabata tin e deseo di por a competi na nivel mundial den amatuer y progesa pa e por competi un dia na nivel di pro rond mundo. Aña pasa Daniyel a participa caba na e evento aki y a logra keda na di cuater lugar, pero despues di e competencia e la bin bek Aruba cu un motivacion grandi pa siña maniobranan mas difícil manera e backflip, flair, y tailwhip air y mehora su condition físico pa e por representa su isla aun mihor den 2014.
Darrell Werleman di 18 aña di edad tin mas cu 7 aña den mundo di y a yega di competi tambe local y internationalmente. Den e Monster Energy Bmx Freestyle Exams aña pasa e la keda na di 2 lugar.
Expectativanan ta grandi, mirando e pasion y dedicacion di e dos deportistanan aki cu ta train hopi duro, mas cu 4 of 5 ora pa dia 5 biaha pa siman, dedicando nan tempo y dunando hopi di nan mes pa nan por logra nan soñonan. Monster Energy kier a desea e deportistanan aki hopi exito na Trinidad & Tobago.
