Ateliers ’89 Academia di Bellas Artes Aruba ta habri su exposicion nobo “SIX FEET APART”

Diahuebs awor 25 di juni Ateliers ’89 Academia di Bellas Artes Aruba ta habri su exposicion nobo. Yama SIX FEET APART di su workshop ON-LINE: “Experimental On – line Photography workshop”, dicta pa e artista maestro Venezolano: Daniel Benaim. Den e workshop aki lo mira e mihor potretnan di cada participante segun e opdrachtnan cu nan a haña. E exponentenan ta Johanna Marchena Lemm, Arabella Colina, Cathy Maduro, Denise Mulder, Paula Nahr, Iris Giel, Roberta Romelli, Rodrigo Miguelangelo, Xie-Marie Larmonie, Megan Rojer, Jenny van der Biezen, Joshua Bryson, Jhon Gomez Ballesteros, Jeritsza Bryson y Eden Antersyn. Tur e obranan nobo aki den e sala mayor di exposicion na Ateliers ’89. Tambe lo tin un exposicion apart di potretnan recien di e artista Daniel Benaim den nos White Box. Dus tin bastante obra fotografico pa mira, pero tambe un cantidad di expresionan nobo, unico y bunita. Opening lo wordo efectua pa señora Ray Ann Hernandes directora di UNOCA cu a cofinancia hunto cu fundacion Mondriaan e projecto aki. Opening act pa e espectacular Daniela Sanches y musica ta den man di Master DJ Adriano Nanof. Bar y cushina lo ta bon surti y entrada ta gratis. Bini uno bini tur!