E asociadonan di Radisson Aruba Resort Casino & Spa a cuminsa cu un programa ambicioso di salud y fitness aña pasa, cual a inclui un cantidad di GM Challenge, coriendo y canando pa baha peso y drecha nan fitness personal.
E programa, bou liderasgo di un coredor frecuente y atleta activo, Gerente General Mark Frances, a conta cu un cantidad di evento deportivo exitoso na 2013, y a cuminsa na 2014 cu un careda riba e tereno dificil rond di e Kapel di Alto Vista.
Manera a wordo anuncia recientemente, riba dia 5 di Juli, 2014, un otro careda lo tuma luga na e ruinanan di oro di Bushiribana, hisando e nivel di dificultad, cu un careda di 8 KM relay pa hende homber, y 4 KM relay pa hende muhe.
Un evento special den e ballroom, ofreci pa e asistente ehecutivo Lourdes Gietel Geerman, a introduci e participantenan na e programa planea. Pa e careda benidero di relay, coredornan avansa lo forma grupo cu nan coleganan cu ta menos avansa, pa asina tur grupo ta igual, agregando na mesun momento un aspecto importante di colaboracion, sosten y entrenamento na e evento.
E encuentro den e ballroom a cuminsa cu un cantica di tema special dedica na e caredanan, titula “GM’s Challenge”. E letranan intelectual y inteligente a wordo skirbi pa Gietel Geerman, y e composicion a wordo graba pa vocalista Rebecca dos Santos, mescla profesionalmente pa Jonathan Thiel, un musicante local popular miho conoci como Biggie Boy.
Manera a wordo spera, Gerente General Marc Francis a keda completamente sorprendi pa e tributo musical entretenido y tabata sumamente satisfecho cu e entusiasmo pa cu e careda, manera expresa pa e participantenan.
Nunette Maduro, e resort su Ehecutivo di Relacion Publico y Comunicacion, lo ta invitando miembronan di famia y prensa pa bin wak e careda tuma den e bunita paisahe di Aruba su costa noord-oost, net prome cu e bahada di solo riba dia 5 di Juli, 2014.
E gruponan di coredor a inclui e siguiente partnernan: Manuel Reyes & Orvin Croes, Mark Frances & Maikel Ras, Rufino Rodriguez & Eleazer Clemencia, Mark Naber & John Lake, Juan Campuzano & Pablo Miranda, Dolph Paesch & Conriss Pericault Monte, Mike Croes & Elizair Pourier, Ranzinho Tromp & John Villar, Glenn Farro & Robert Di Vecchia, Randell Boekhouder & Sheldon Leuden, Jairo Maduro & Kenrick Croes, Gabriel Reyes & Elton Trezil, Francis Wolff & Aldrick Tromp, Raymond Habibe & Marc Charley, Steve Lacle & Sandrick Tromp. E siguiente ta e paarnan femenino: Sofia Boekhoudt & Audrey Wolff, Erica Alvarez & Solange Silvanie, Brigitte Hernandez & Marilu Erasmus, Stella Correa & Esperanza Castillo, Thelma Franken & Patricia Alexander, Joan Hodge & Aura Reed, Norma Lacle & Elizabeth Cordoba, segun informacion di Nunette Maduro, e resort su Ehecutivo di Relacion Publico y Comunicacion.
