Durante e Reunion General di Mei na La Cabana Beach Resort & Casino, asociadonan y miembronan di gerencia a analisa nan compromiso na excelencia y cooperacion cu otro, via un competencia di traha flie.
E Evento di Flie a wordo introduci na asociadonan como un simbolo di colaboracion, y muentras cu nan tabata trahando e flienan den nan departamentonan respectivo, e asociadonan a papia tocante loke e flie mester pa e por bula, y e structura delicado pero fuerte cu e tin.
Durante e temporada di lente, flienan ta un bista familiar rond di e isla, y hopi competencia di traha y bula flie ta tuma luga. Mientras cu e ta mustra facil, hecho ta cu e ta un arte cu ta rekeri precision y dedicacion, segun Gerente General Joe Najjar, kende a traha un flie cu tabata mustra chikito, pero tabatin un gran potencial aerodinamico.
E programa di e atardi tabata yena cu oradornan y un presentacion cu a delinea e scorenan sumamente positivo di satisfaccion di empleado y huespet, sosteniendo e sentimento general di bienestar cu ta wordo experiencia pa turistanan cu ta di bishita y e empleadonan local di e resort.
Entre e oradornan a figura Martin Ras, kende a papia tocante oportunidadnan adicional pa mehoracion, y Damian Tromp y Aichel Lynch, kendenan a elogia e departamentonan cu a score mas halto. Ena Vrolijk a splica e importancia di comunicacion y Martin Ras a duna un presentacion di proceso.
Aki por mira e Reunion General na La Cabana Beach Resort & Casino, cu un publico interesa y anima, mientras cu ehecutivonan di e resort, Pierre Kock, Jessica Franken, y Tessely Koolman, a tuma turno pa dirigi nan mes na e asociadonan entusiasma, reafirmando nan dedicacion na hospitalidad, na e huespetnan di e resort, y na otro.
E tabata un ora yena cu diberticion, cuminsando cu algun pasapalo y refresco, y terminando cu bolo y premio, y hasta un tiki ehercicio y rekmento di curpa.
