PARMENTARIO HUBENIL

Asociacion Conseho Hubenil Aruba a elegi Sr. Jose E. Kock como nan Vocero di A.C.H.A 2014 – 2015.


Pa e posicion di Tesorero, e candidatonan mester a realisa un bereken un som, pa por a mustra nan abilidad di conta, trek af y multiplica. Tambe tabata tin un rondo di debate unda cu e candidatonan mester debati riba e ponencia cu tabata tin riba mesa. Asociacion Conseho Hubenil Aruba (A.C.H.A) a reconoce como Tesorero di A.C.HA 2014 – 2015 Sr. Eugene Bouwer. E posicion di Secretario, e candidatonan tabata tin como tarea pa notula un relato bieu di Parlamento Hubenil y presenta esaki dilanti e Asociacion. Sr. Nigel Maduro a wordo elegi como Secretario y Srta. Shakell Bird a sali como vice-Secretaria di Directiva A.C.HA 2014 – 2015. Unda cu cosnan a bira interesante tabata na momento di Eleccion di Presidente y vice- Presidente di Directiva A.C.H.A 2014 – 2015. Prome cu a cuminsa cu eleccion diferente miembronan a nomina e momento ey un cu otro miembro pa bai pa e posicion di Presidente. Cual cu a haci e intensidad pa bringa pa e posicion ey a bira mas grandi. E candidatonan tabata tin como tarea duna un speech di minimo cinco (5) minuut splicando cual ta nan vision y plan di Maneho pa e siguiente aña si nan mester wordo elegi como Presidente/vice-Presidente di Parlamento Hubenil, dos (2) rondo di debate unda cu por a mira cu e pasion di e hobennan aki pa cu nan deseo pa bira Presidente di Parlamento Hubenil y a sera e parti cu diferente preguntanan dificil cu miembronan y Staff di Parlamento Hubenil a haci. Na final di anochi Asociacion Conseho Hubenil Aruba a saca como vice-Presidente Sr. Lorenzo Dirksz y como Presidente di Directiva A.C.H.A a elegi Sr. Juan Pablo Aguirre- Broca. Fundacion Parlamento Hubenil Aruba y Asociacion Conseho Hubenil Aruba kier a felicita e seis (6) hobennan aki cu nan posicion nobo den e Asociacion Conseho Hubenil Aruba y ta deseanan tur clase di exito pa e siguiente aña nan dilanti.

Leave a Comment