Aruban Radio DJ Fernando Halman wins a big prize in Holland

Locutor Fernando Halman ta e ganador di Pop Media Award di 2018. Ela ricibi e award aki na EuroSonic NoorderSlag (ESNS) 2019. E hurado nan a yama Halman su autoridad y entusiasmo ta indispensabel pa amante nan di Hip Hop en general y especialmente Hip Hip Hulandes. Desde 2009, Halman ta locutor di e morning show “Start” riba FunX na Hulanda. Tres (3) aña pasa, ela wordo nomina pa e Pop Media Award tambe. Segun e hurado nan, den e ultimo tres (3) aña nan Halman a sa di eleva su status como e misonario di mas importante pa loke ta Hip Hop, R&B y cualkier otro genero di musica cu ta wordo considera musica urban. E hurado nan ta wak Halman como un di e motibo nan dicon Hip Hop (Hulandes) tabata mas exitoso na 2018 cu aña nan anterior. Tambe nan a menciona cu e no ta solamente activo riba radio pero tambe den otro media: por wak e DJ regularmente riba talk show na television na Hulanda manera “De Wereld Draait Door” y “RTL Late Night”. E Pop Media Award to wordo otorga na reportero nan di pop pa nan obra entero, cual atencion particular pa logro nan special den e aña cu a pasa. Otro nominado nan pa e Pop Media Award 2018 tabata Timo Pisart (lead-editor pa 3VOOR12) y tambe documentary filmmaker Teun van Sintmaartensdijk (Buying the Band). E prome Pop Media Award a wordo otorga na 1994. E ganado nan ta (de orden cronologico): Bert van de Kamp, Jip Golsteijn, David Kleijwegt, Martin Bril, Tom Engelshoven, Herman van der Horst, Anton Corbijn, Gijsbert Kamer, de redactie van de website 3voor12, Hester Carvalho, Lex van Rossen, Leon Verdonschot, John Schoorl, Leo Blokhuis, Jan van der Plas, Sander Donkers en Eric Corton, DWDD recordings, Saul van Stapele, Mary Go Wild / Mark van Bergen, Atze de Vrieze, Rutger Geerling, Rotjoch and Roosmarijn Reimer.